🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة31:
دخلت لدار لدار وجها احمر طماطم قريب يطرشق... قابلتها امها واقفة قدام باب نتع الكوزينة...
وردة: على سلامتك لالة... خير هلاه طولتي راهي 13:30 وينك لدرك
تنحي في سباطها مهبطة راسها دمعتها في طرف جفونها
سلسبيل: مش بسبتي ولادك واحد لا جاني باه يروح بيا بعاد...(وقفت تشوف معاها) قعدت نستنى فلفرج...
وردة: كفاه روحتي مالا؟...
سولا: بعتلي حمزة ايمن... جاء روح بيا...
وردة قربت حكمتها من زندتها تحكي وترص على سنيها: وركبتي معاه؟...
سولا: وشبيك ماما وجعتيني... كفاه روحت مالا اااه... ياك بعتو حمزة...
وردة: عاد جاتك على قلبك كما لعسل ااااه... وش حكيتو اممم وش قالك... اهدري
سولا: ماما نحي يدك وشبيك هجتي كما هك... تهني ماحكينا والو وزيد ركبت من لوراء... ماشافش حتى شوفا فبا من ليسي طول لدار...
وردة: والله يا سلسبيل وكون نفيق بيك حكيتي معاه... والله مانفوتهالك ونحبسك فدار كما لخديمة... لا قرايا ولا هم يحزنون...
سولا هبطو دموعها: علاه هك اااه وش فيها كما جيت وصارحتك وقتلك ماما نحبو... وش فيها اااه... سيد مش سامع بيا خلاص تهني... انا الي ناكل فيها شايحة...
(فكت يديها وطلعت فدروج )
وردة: محسوب راح نخليه يقرب ليك على جثة تاعي... غير هو ماتخميش تكوني ليه تسمعي فيا...
سولا: هههه تهني وارقدي بنوم...
حلت الباب ترمات على سرير... تبكي بشهقة ندمت على نهار الي قالت فيها لامها انو تحبو وتحب تكون معاه...
~~~~~~~~
فاطيمة: اووووه نهار مش نرمال... جعت والله.. وقتاه يفرغ فواي نروح ناكل
سلمى: انا نسكت خير...
فاطيمة: خير وخير...
دخلت عليهم ياسمين للبيرو: لبنات شفتو وسام هذيك لمريضة تاعي
فاطيمة: لا ماشفتهاش
سلمى: من شوي شفتها في لكلوار... عدات عليا
ياسمين: راح نجهل كفاه مريضة يخلوها تنوض من سريرها وتدور (خرجت تجري تحوس عليها... حتى قابلتها قاعدة على كرسي في دخلة نتع سبيطار... قربت قعدت بحداها )
ياسمين: علاه نضتي من بلاصتك... علبالك كل حركة منك بحقها...
وسام: نعرف اما قلقت...
ياسمين: نعرف اما كان لازم عليك تلتزمي... ممكن هك تضري روحك مدام ما جاش طبيب وقرر حالتك...
وسام: اممم كل شيء #مكتوب حياتي ولا موتي #مكتوب...
ياسمين: مزالك صغيرة على لموت... لازم تقاومي باه تعيشي...
وسام: تعبت نحب نرجع لبلاصتي... سامحيني حكيمة
ياسمين: عادي مهم نحبك تكوني فحلة وتفرحيني بعزيمتك اوكي...
وسام: إن شاءلله... حكيمة مزالني مطولة هنا...
ياسمين: اممم مزال عليك غير بصبر
وسام: هههه انا وصبر خوات...
