المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 139:
وصلنا بحدا دارهم... هبطت وراء ما هبطت حلومة جبدت نفس كبير غمضت عينيا نحب نثبت روحي تمشيت بخطوات ثقااال وكانو هاز جبل فوق كتافي... وقفت بحدا حلومة وقت دقت على لباب الي شوي وفتحت امها وتبسيمة على وجها تخليك تحس براحة... رحبت بينا احسن ترحيب بحداها راجلها الي عرفتنا بيه... بعدها دخلونا لصالة كبيرة... انا وبابها وخوها الي كان قاعد لتم من قبل في جيهة... وامها ووحدة كبيرة معاهم... حطيت لحوايج الي شراتهم حلومة فوق طاولة... نحس فيهم الكل يشوفو معايا ذهبتلي كفاه نتصرف... قعدنا وانا مرة على يجبدو معايا هدرة ولا يسقسوني ارتحت نوعا ما عايلة متواضعة ومثقفة... ما حسيتش معاهم بلغربة... هزيت عيني وقت حلومة طلبت تشوف عروستها... جابتلي ضحك وكانها خلاص متاكدة انو راح نديها هي خلاص... شويا وقت ودخلت امها وراها طفلة حانية راسها... خدودها حمر جمر... شفت معاها من راسها لرجليها فليتها فليان... هزت راسها جات عينيها في عيني بقيت نشوف مع ملامحها ال... ماتوقعتهاش تكون بهذا شكل... تبسمت لا إراديا وقت تفكرت هدرتي مع حلومة وانا نضحك على اسمها... سلمت على حلومة الي حطتها في جنبها تقول خايفة لا تهرب مهبطة راسها تلعب بصوابع يديها شعرها الي كل مايطيح ترجعو وراء وذنها... حاولت مانبقاش مركز معاها... وكملت نحكي مع باباها... من بعد تلفت لحلومة غمزتها حركتلي راسها ونطقت...
حليمة: فضيلة اختي كون نخلوهم يحكو مع بعضاهم شوي... تعرفي لازم يتعرفو...
تبسمت فضيلة شافت مع راجلها الي حركلها راسو من بعد شافت مع بنتها: جميلة بنتي روحي مع ايمن لشمبر لخرى احكو...
تولهت معاها وقت حلت عينيها مفجوعة ههه.. من بعد وقفت شافت معايا وزربت هبطت عينيها... وقفت انا ثاني عدلت سروالي وتمشيت وراها نشوف مع شعرها لكحل الي هابط حرير... وخوها ورانا لاحقنا...فهمت من جاست هذا انو لازم يكون محرم بينا... وصلنا للشمبر لخرى دخلت قعدت كما خوها ثاني قعد بحدايا حمحمت نحكي...
خوها : اقفلي لباب واقعدي احكي ...
شافت مع خوها بعدها معايا و نطقت بصوت قريب ماسمعتوش: لا الباب خليه مفتوح خير...
تبسمت معاها عجبني تخمامها مع انو خوخها قاعد معانا...
مصطفى: خود راحتك خويا ايمن حطني مكانش وانا كاين ههه...
ايمن: يعكيك صحة رجلة هما زوج كلمات نسقسيهم وخلاص... ودرت شفت معاها مزالها واقفة...
أيمن : معليه نظن تقدري تقعدي ولا تحبي نحكو واانت واقفة؟
قربت قعدت مقابلاتني مهبطة راسها تلعب بصوابع يدبها شفافها يرجفو مافهمتش من الخوف ولا من لحشمة.. تبسمت راضي على خيار حلومة...بقيت نشوف معاها ساكت بعدها نطقت...
أيمن: قابلة تزوجي بيا...
رفعت راسها على هدرتي من بعد عاودت هبطاتو تعصر في صوابع يديها...
ايمن: نحبك تهزي راسك وتشوفي معايااذا مش قابلة انا نتصرف نعرف حكايتي مش ساهل اي واحد يتقبلها...
جميلة: ق.. قابلة اكيد
ايمن: متاكدة؟
حركتلي راسها من غير ما تحكي... زدت سقسيتها...
ايمن: علبالك بحكايتي صح؟
جميلة: نعرف مهم تكون راجل تصوني مايهمش مش انت الي حبيت تخلق في هذيك ظروف...
وقت سمعت جوابها حسيت بضربات قلبي زادو مافهمتش علاه... اما راضي على جوابها...
حكيت خشمي وعادت حكيت: مليح ما نحبش يكونو ضاغطين عليك... وانا لكان كنت من مكتوبي... مايخصك حتى شيء... ودرك مزال سوأل اخير لابسة حجاب...
جميلة: لا مش لابسة...(وعضت على شفتها)
ايمن: وكون نقلك البسيه... مانحبش مرتي يشوفو فيها تلبسيه؟
سكتت من بعد هزت راسها عينيها زرق الي يدوخو جاو مع عينيا كمشت عيني نثبت فيها وش راح ترد...
جميلة: وقت نكون مقتنعة اكيد نلبسو... ووقت راجلي يشوف انو فيه مصلحتي اكيد مش راح نخالفو وناخد رايو...
وقفت بعد هذي لهدرة ما بقاش وش نزيد
ايمن: بانتلي طولنا عليهم... مادامت خديت جوابي نروحو صح... ونظن مزال لينا قعدة اخرى بعدما تولي حلالي ونتفاهو في حوايج اخرى...
خرجت وهي خرجت ورايا دخلنا للصالة عينيهم علينا... وقت حليمة تسقسي فيا بعينيها... قابل ولا لا... من غير تخمام حركتلها راسي قابل... عينيهاقريب تخرج من بلاصتها...
قعدت شفت مع بابها متبسم: بما انو طفلة قابلة وانا قابل نخلو جمعة جاية ونعملو فاتحة اذا يساعدكم...وهك تكون حلالي على سنة الله ورسوله
سليمان: إن شاءلله الي فيه خير ربي يكملو...
وقتها حليمة وامها عملو حالة بزغاريت وهي في وسطهم وجها كعبة طماطم بسيف ترد في نفس...
