💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 120:حمزة يحكي...
فات نهار مافقتش حتى كفااه تعدى... من بلاصة لبلاصة نجري... فرحتي اليوم مانمدهاش كون يعطوني فيها مليار... تهنيت على عصومي هذيك هي الفايدة... مكفانيش هذا وزيد مهبولة صغيرة تتوحم على طاكوس... ولا درك في نص الليل وبعدما وصلت لسبيطار... ڨاريت طموبيل في باركينج وهبطت نمشي على رجلي كشما نلقى واحد مزال يخدم... على 9 نتع الليل... مسيت شوي قابلني ريسطو مع اول طريق... دخلت حطيت لا كموند تاعي... تعدبت هزبت قرعة ماء وقعدت في طاولة نستنى نشوف معاهم بعدها خرجت تلفون نلعب بيه نضيع شويا وقت...
~~~~
فاتي: والله غير حرام عليك... ساعة يادين الله ساعة... قريب ندوخ انا هنا بشر... وانت عاملة رايك وتطوتي عليا... ماتخافيش انا الي نخلص...
باسمين: ايهاااا اسكتي شويا هاني جيت... نخلي ناس دموماتها تجري ونخرج مع سيادتك نتعشى ماعندكش انسانية...
فاتي: اووو خلينالك انسانية ليك... انا درك نحب ناكل...
ياسمين: هيا برك قدامي لا تاكليني...
دزتها تمشي فيها تضحك: تعرفي نشوف فيك طرف دجاج محمر غير ازربي لا نهبل وناكلك...
ياسمين: عهههههه ملاحة هذي... هيا اطلعي لا تاكليني صح...
فاتي: وين نطلع هاو كاين واحد منا برك علاه نطولوها...
ياسمين: متاكدة من بعد ما تقوليليش ماكلة مش مليحة نبدلوه اني والله مابدلتها...
فاتي: هيا برك كونك متهنية... مانبدلش
ياسمين تحكي...
ماشيا انا وراها هدرة تجيب اختها... حتى وصلنا بحدا ريسطو... قص علينا تلفونها... الي جبداتو هزت وانا قاعدة نثبت في ڨريماس نتع وجها...
فاتي: وي... اممم هاني خرجت ناكل وراجعة... كفاااه ماكنش منها... اني جاية
ياسمين: غير الخير...
فاتي: جابو ولد عمتي... عندو تسمم.. لازم نرجع...
ياسمين: ان شاء الله سلامات... هيا مالا نرجعو...
فاتي: وانت علاه... روحي جيبيلنا لعشاء هاني قريب ندوخ زح...
ياسمين؛: ايهاااا مزالك تخمي في لعشاء...
فاتي: على كرشي نخلي عرشي... طير فيسع جيبيه اني راجعة..
بقيت نشوف في خلق ربي... طفلة مش نرمال... على الاقل سلمى كانت مكرهتها هههه... من زهري هاي غايبة... دخلت نشوف مع الحالة... طاولات الكل معمرة... حتى قابلني قاعد مهبط راسو على تلفون... تبسمت لا اراديا وقربت وين يحطو طلبات...
