🥀💎 المكتـــوب 💎🥀
⭐🌾على عشقـــــك لامـــــــوني 🌾 ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 3
واقف مكالي لحيط رجل متركز بيها على لحيط ورجل لخرى واقف عليها... تلفون في يدو يطلب فيها وهي مشغول اكثر من نص ساعة يعيط ويعاود... عقد حواجبو طلبها مرة لخرى عدل وقفتو رايح حتى جاه صوتها...
اروى: حبي
حمزة: وشبيه ر## من صباح نعيط... مشغول مشغول شكون هذا الي تحكي معاه في نص الليل...
اروى: هذي غير صاحبتي كانت تفهم فيا في كور نتع اليوم...
حمزة: مالقات ماتفهمك غير في الليل... ياخي علبالك بالي نكمل ماتش نطلعلك...
اروى: والله غير حصلت عيطلها (تحكي وتبكي )... مكاش قصدي نغشك مني...
مسح على وجهو واستغفر: يزي بلا بكاء وطلي اني لتحت... خلي نشوفك ونروح...
اروى: اممم خلاص نغسل وجهي دقيقة ونجيك
دخلت غسلت وجها من مكياج الي حالف عليها ماتزيد تحطو مسحاتو فيسع وحلت طاقة تطل عليه
طلع راسو يشوف معاها يتبسم من 4 سنين وهو يعشقها عادت اوكسيجين تاعو شاورلها تهز تلفون...
حمزة: انا نخليك درك تصبحي على خير... ماتطوليش في سهرة اوكي...
اروى: اوكي ياروحي... تصبح على خير... نحبك...
حمزة: وانا نعشق فيك... ادخلي برد عليك...
اروى: داخلة خلاص يعيشلي راجل تاعي... وقفلت تلفون....
**************
باقيا في بلاصتي نشوف معاه... سمعت صوت شباك تحل ومرأة تعيط عليه...
زهور: راكس ارجع لدار يالا...
طلعت راسي نشوف معاها وحطيت يدي على قلبي نحس فيه راح يخرج من بلاصتو... ورجعت نشوف معاه داخل عندها لدار...
زهور: سامحيني بنتي هو دايما هك عبد مايعرفوش يهجم عليه... سترك ربي خرجت فلوقت...
ياسمين: سماح اخالتي... مزالني جديدة فلحومة وما نعرفش طرق مليح تاهتلي طريق...
زهور: اااه يابنتي وانت وش خرجك في الليل...
ياسمين: الخدمة ياخالتي لازم نروح فليل... وطلعت يديها تشوف في ساعة... سامحيني راح عليا الحال... نخليك معريفة خيرانشاء الله خالتي...
زهور: يعيشك بنتي ردي بالك على روحك... دنيا تخوف في الليل...
ياسمين: يعيشك خالتي ربي يحفظك... بسلامة
زهور: بسلامة بنتي...
