💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 119:
ياسمين: يرحم والديك فكي عليا فاتي...
فاتي: بانتلي راح تهبلي راكي تخدمي الليل ونهار وقاعدة لا ماكلة لا شيء..
هبطت ستيلو الي كنت نكتب بيه وردختو على بيرو... خليتها تتخلع مسكينة...
ياسمين: علاه ناكل فاتي علاه نعيش اصلا...(ربعة يديا ) قوليلي انت هذي حياة عايشتها... طبيبة مسمية طبيبة ونرقد في سبيطار... ماكلة من طرق هذي حياة فاتي اااه...( عاودت هزيت ستيلو مهبطة راسي في الاوراق)
فاتي: نعرف مش حياة والي تقولي فيه كل عندك الحق... اما شوفي من زاوية اخرى عندك صحتك... كشما كاين خير من صحة شوفي ناس الي راكي تداوي فيهم ولا الي ماقدرتيش تداويه وراقدين فراش... احمدي ربك على نعمة وماتجهليش وتضري روحك كما هك...
طلعت راسي مكمشة عينيا نشوف معاها: نحمد فيه الليل ونهار فاتي مانيش صغير ياك علبالك...
فاتي: هيا الحمد الله ... ودرك نوضي نخرجو نتعشاو مع بعض...
ياسمين: قولي هذا الي بيك... حاضر اسيدي... طيري قدامي اني جاية...
فاتي: هيا اسيدي اني سبقتك...
~~~~~
وسام تحكي
نشوف معاه ومع كل تفصيلة في وجهو... للحظة تمنيتو يكون هذا هو رجل احلامي هههه... من غير مانفيق ضحكت بصوت... بعدها عضيت على شفافي وقت فقت مع روحي لقيتو يتبسم ويحركلي في راسو يسقسي فيا وشبيك... حمحمت ورديت عليه...
وسام: شيء غير تفكرت حاجة برك...
اسامة: امممم قلت كشما كاين في وجهي يضحك...
وسام: لا هو انت احم والو...
اسامة: اممم احكي نسمع فيك...
وليت نبدل في وجهي كما بهلولة حتى حسيت بيدو الي فرفشت على شعري... شيء الي خلى دقات فلبي يزيدو... هزيت راسي متبسمة... بعدها شفتو وقف مع فرملية ما نعرف وش يحكو... وهي تتعوجن قدامو كون لقيت راني ضربتها باي حاجة قدامي.... دار شاف معايا وخرج... اوووف وش تبهليل الي فيه راجل قريب قد بابا...
~~~~~~~
اسامة يحكي...
عندي ايام داخل بعضايا... من ايام ما جاتشما فهمتش وش مشكلها علاه غايبة... حتى من ياسمين رافضة رافض قاطع تحكي معايا... وريتلها هذا فديو وما تغير شيء وكانها حتى هي تعرف بلحكاية... حسيت بيبان دنيا تقفلت في وجهي... رقمها وحتى هو مقفول ولا بدلاتو ما نعرف علاها انا... شيء الي نعرفو نحب نشوفها ونحكي معاها... ماتسحقش راجل كما هذاك الحي.. وان... في حقيقة الامر مانسحقوهاش لزوج اما نبقى انا الخيار الافضل... ماشي حتى شفتو واقف قدامي...
معتز: اهاااا مكانش منها ماتقليش تخدم لهنا...
اسامة: هههه اهلا ارجلة ارواح لهنا والله ليك وحشة...(سلم عليه سلام رجولي وبعد عليه...)
معتز: والله غيبة وين راح ل### نتع خوك من دفنوه لا زاروه...
اسامة: تامن والله ما نعرف وينو... نهار كامل في لخدمة... قلي انت وش حوالك؟
انا نحي مع معتز وتجي وسام من لوراء تقاطعني...
وسام: حكيم نسيت تلفونك وقت كنت تحكي خليتيه فوق طابلة...
حكمتو من عندها: وانت علاه نايضة درك وين عملت دواء... مكانش لفراملة؟...
معتز: ههه خليها وشبيك سامط... طفلة عملت فيك مزية وانت بففف... وش راكي ختى...
تبسمت معاه: لباس الحمد لله ... هههه هذا انت نفسو...
معتز: اممم نفسو وي... إن شاءلله تكوني تحسنتي...
وسام: احسن من قبل... هاك تشوف واقفة ما طحتش كما موالفة هههه...
معتز: ربي يدوم ضحكتك يارب ان شاء مرة جاية نلقاك رتحتي...(بقاو يحكو من كلمة لكلمة من غير مايفيقو...)
بقيت واقف نشوف معاهم بعدها نطقت...
اسامة: هيا نشوف فيك دربتي صحبة مع طفلة... خليها في حالها...
وسام: لا عادي والله ... انا نخليكم نرجع لبيتي...
معتز: هيا مليح انا مزال لهنا مممكن نتلقاو مرة اخرى...
وسام: ماتقوليش حتى انت مريض...
معتز: لا حكاية كبيرة مرة اخرى نحكيهالك... انت ارتاحي درك...
اسامة : انا نخليكنم دوختوني....
معتز: ايا تهلى... وانت ختي ههه نتلقاو اليوم راني gard malade....
وسام: هههه اوكي اني غير هنا في شمبر هذيك (شاورتلو عليها...)
