🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 26
فاق متوسد راسو بيدو...مزالها تهتور في نومها مرة على مرة تتنفض... يشوف مع وجها... شوافر عينيها مزال مبلوليلين كفاه يشيحو وهي ليل كامل تبكي حتى طلع نهار باه سكتت... تراس نتع سبتة معلم عليه في وجها ويديها وكل بلاصة من جسمها... حط يديه يفوت فيهم على طول ضربات يحكي مع روحو...
سفيان: الله يلعني ظهرتي عرة رجال... شوف يديها إن شاءلله تتكسر يدي طفلة قريب قتلتها ... هاي رجلة تاعك هاو زبل الي تشرب فيه وين وصلني نضرب مرأة... طلع يدو لخدها يمسح عليه ويحكي... جوجيتي روحي انت فيقي...
حلت جمانة عينيها كفجوعة قفزت من سرير... خلاتو يمسح على وجهو من العملة ااي عملها ولات مرتو خايفة منو...
شاورلها على بلاصة الي بحداه يضرب عليها سفيان: جوجيتا عمري ارواحي بحدايا...
جمانةتحرك في راسها بلا
سفيان.: تجي ولا نجي انا نجيبك بلقوة...
جمانة ودموعها سابقينها : علاه عليك كل شيء بلقوة ماكفاكش الي عملتو فيا...
سفيان دور وجهو وعاود رجعو: غلطنا مرة مش كل مرة... ارواحي بحدايا نحكو برك ما راح نعمل والو...
جمانة:لا ما نجيش خليني نروح لدارنا مابقيتشنقدر نزيد لهنا...
سمع كلمة دارنا وناض يجري قرب ليها وهي عاودت بعدت...حتى جبدها ليه يحكي...
سفيان:كفاه تروحي لداركم وهذي مش داركم ولا...اممم وانا لمن تخليني اااه راح تفرطي فيا بسهولة هذي...
جمانة:شوف (تشارلو هلى ضرب ) شوف لحمي كامل كامل زراق من ضرب...كاخممتيش وقتها ولية تحڨرني وتعمل فيا هك...
بعد عليها رايح جاي:وانا كنت في وعيي...ماكنتش والله العظيم ماني واعي وقت ماضربتك...
جمانة:مايهمنيش سفيان
اديني لدارنا...😭نحب نروح لدارنا ماعدتش حاملة نقعد هذا يكفيني الي صرالي...
سفيان:شوفي يابنت ناس...نعرف روحي غلطت نستعرف اما لخروج من دار غير انسايه...وعد ماعدتش نحط يدي عليك مرة خلاف...
جمانة:وانا نحب نروح...
سفيان:ماتجهلينيش على صباح ربي...انت ثاني اركحي عاقلة احسنلك...
جمانة:شفتي كيفاه اااه...زوج دقايقرجعت تعيط من اول وجديد...حتى ونقعد مانيش راح نحمل نشوف معاك ولا مع اليكان سبب...اديني لدارنا خلي نبدل جو وترجع الامور كما كانت...
سفيان:غير داركم انسايها...دارك لهنا معايا حابة تغضبي اغضبي...ماتحكيش معايا سماح انت حرة...اما تحرميني نشوف خيالك يدور في دار...هذي غير انسايها تسمعي فيا يابنت الناس...وكون تغلطي وتعتبي باب دار عمرك ترجعي تدخليه وانت خيري... خرج قفل الباب خلاها تشوف في نقطة وحدة ودموعها تسيح...حطها بين خيارين كرامتها وطلاق ولا دلها والقعدة معاه....
