🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 58:
هابطين مع بعض كل مرة يحكو على حاجة حتى قابلتهم ناس ملمومة...
أيمن: غير الخيروشبيهم ملمومين...
سفيان: ماتكون غير عركة...
أيمن: ربي يهدي برك دري هبلت...
حبس واحد معدي سقساه
أيمن: حكيم خير شكون الي متعارك...
حكيم: ماهيش عركة راه معتصم خو حمزة ضرباتو طموبيل طيراتو مانظنش يمنع... جاتو ضربة خايبة...
سفيان: شكون حمزة تعنا...
حكيم: ايههو بدات
شافو مع بعضاهم وناضو يجرو فرقو بين ناس دخلو وسطهم قابلهم صاحبهم حاط راس خوه ويعيط الحماية هذا وين سوطها جاية... قربولو يسقسو...
ايمن: مزال حي ياك...
حمزة: ما نعرف والله مانعرف...
وقف سفيان يمسح على رقبتو يشوف مع ناس...
سفيان: وانتم علاه واقفين خلولو لهواء... بعدو شوي...
حمزة: ابعت واحد لدار بخبرهم راني ماقدرت نعمل شيء...
ايمن: متهني (دار بعتو بعدما وصاه يقلهم ورجع دار لصوحبو )و ماتحركوش لا تزيد عليه...
حمزة: او حويا دين 🤬 نحكو اليعملها 🤬 والله ماخليتو حي....
سفيان: وصلو بعدو يالا بعدو...
~~~~~~~~
وردة: شكون يطبطب كما هك...
حليمة: والله مانعرف مش موالفين...
ناضو لزوج يجرو يحلو في الباب... حتى تقابلهم سولا تبكي....
وردة: علاه تبكي وش صرالك...
سولا: ماااامااااا هيء هيء... اماما معتصم...
قربتلها حكمتها من زندتها تحكي...
وردة: وشبيه خوك انطقي...
سولا: ااااااااااا هيء هيء قالولنا م م مات ض ض ضربتو طموبيل... هيء هيء..
وردة: هههه تكدبي صح مستحيل خرج يلعب وخوه راح يجيبو...
سولا: جاني صاحبو قلي هيء هيء ااا مامااااا خويا راح خلاص ماعدناش نشوفوه...
حليمة:الله اكبر ياستار استر...
وردة:يالا قدامي لدار...عيطي يقسي خوك...
حليمة: بلعقل برك وردة إنشاءللهمايكون غير الخير...
وردة تمشي ترعش وسولا قدامها تبكي على طول صوتها...وبدات الاتصالات...عيطو عليهم كامل بوجمعة معتز...قفلو دار ورحلو كامل لسبيطار...
