💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 108:
بعدما وصلو حلت الباب هبطت تجري طالعة لدار وهو لاحقها... دخلت ترمات على فوتاي... وهو واقف على راسها يحكي
محمد: وش البرود هذا الي عندك ااااه ...وقتاه كنت راح تحكيلي...علاه تخليني نبان ### ماعلبالو بشيء
سلمى: محمد وش تعرف عليا انا اااه... علاه راك تحكي معايا هك... شوف جايبني وراك بحوايج الخدمة... ناس كل تشوف فيا تقول عاملة عملة... لاااا وجاي تعمل في لمشاكل في سبيطار...
محمد: ههههه تحكي صح يا رب العالي... راني متحكم في ### عصابي باه مانغلطش معاك... ياووو كفاه تحبيني نتصرف... نشوف راجل مرتي سابق يخدم معاها في نفس سبيطار... ونبقى نتفرج ولاااا... اني راجل ا## راح تهبليني... سيد يتهدد يرجعك ليه... على اساس وش اااه قولي على اسااس وش...
قربت حضناتو حاشية راسها في صدرو دموعها سبقوها...
سلمى: ماكانش قصدي نخبي عليك... حبيت نحل الموضوع ومن غير ما تدخل خفت عليك والله... راجل مهبول رسمي... انا وش راحلي فيه حكايتو بالنسبة ليا وفااات خلاص...
محمد: سلمى راني راجل كفاه تحبي تكون ردت فعلي اااه... قوليلي علاه صباح بكيتي راك قلتيلي نحتاجك ونحب تروح بيا... نجيك نلقى ### لتم وزيدها بكل وجه صحيح يجي ويستفزني... احسني عوني حتى انا...
سلمى: نعرف طبعو نعرفو مليح... انت اوعدني كون تتلقاه مرة اخرى ماتتصادمش معاه... ولكان عليا من غدوة نحط طلب تغير مكان العمل... مايهمني شيء غير اني نكون معاك...هو ماحركش فيا حتى شعرة..
محمد: من غدوة سلمى من غدوة ماكانش خدمة حتى تبدليها... مستحيل تخدمي معاه في نفس لبلاصة... تفهمي فيا والا والله غير ن*ق*تل ### وما نخممش في حتى حاجة...
سلمى: لا محمد الله يخليك من غير مشاكل خليك راجلي رزين العاقل...
محمد: وقت لحكاية يكون فيها عرضي مايهمني شيء غير نجيب حقي سلمى ...تفهمي مايهمني شيء...
هز لمفاتح وخرج قفل الباب بلقوة... اما هي فا قعدت على فوتاي راسها بين يديها تحس فيه راح يطرشق...
~~~~~~
ايمن: اهلا رجلة وينك... ڨاراج مقفول
سفيان: اني في لحومة ماحليتش اليوم...
ايمن: غير الخير انشاء الله... تع دار لباس برك...
سفيان: حكاية طويلة لازمها ڨصرة...
ايمن: وانا الي جاي نشكيلك ظهرت حالتك اكثر من حالتي ...
سفيان: اني طالع لسبيطار من بعد ونجمعو...
ايمن: ايا مفروزة شيخ...(قص تلفون وحطو فيجيب دور راسو على طريق باه يقطع حتى تقابلو واقفة مع صحبتها تحكي... وقف مدة طويلة يشوفةمعاها ومع كل حركة تعمل فيها... يتامل في تفاصيلها... فاق على روحو وقت زمرت عليه طموبيل خلاتها حتى هي تدور تشوف معاه... اما فيسع دورت وجها مكملة هدرتها ولا علبالها... وكانو لا شفاتو ولا موجود... دار على جرة مهبط راسو قلبو قريب يخرج... مطول طريق ولا يعدي قدامها وهي مش حاملة شوفتو...
