🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 84:
رجع على لكرسي لوراء يمسح على كرشو....
سفيان: اووووه ضرب قريب ندوخ امࢪأة...
جوجيتا: هههه بصحتك حتى انت تقول ماكليتش تقول عندك عام....
سفيان: هههه مرتي بخيلة ماتحبش تطيب ولا توكلني قتلتني بشر...
جوجبتا: هههه صار ما عليك غير ترجعها لدارهم مدام مزالك بكرطونتها هههه...
سفيان: يا حسرا وانا كرطونة... خلاص فتحنا الكرطونة وجبدنا سلعةهههه مكانش كفاه نرجعها....
جوجيتا: ماسقطك ههههه يالا نوضو برك... راح الحال نزيد ندور شوي...
سفيان: شبعتي خلاص مانزيدوش...
جوجيتا: لا غير نروح نعاود لڨلوص ونجي...
عقد حواجبو يحكي: كفاااه ونا زبل تعاوديه ثاني... تشوفي فيا طحان ### صلاح وانا نوصي...
جوجيتا: كالمي روحك ناس تشوف معانا... وزيد شفاف مايبانش خلاص... نحي بيه شيوحية نتع شواربي...
سفيان: امشي امشي قدامي احين ماترجعي لدار...
جوجيتا: خلاص هاه مش عاملة.. ماتتغشش برك...
سفيان: اسبقيني لطموبيل هاهم لمفاتح... حلي واقعدي فيها نخلص وندخل wc ونجي...
جوجيتا: اوكي الحب...
~~~~~
حكمتو من يدو موقفاتو... هبط عينيه يشوف مع يديها الي تحطت... عاقد حواجبو... جبد يدو
تنهج ودموعها تسيح تشوف معاه سولا: علاه؟ علاه تعمل فيا هك...
ايمن: هههه وش عملت؟
مسحت دموعها بكف يديها تحكي: شكون هذيك؟ ااااه شكون
أيمن: اول حاجة مابقتيش تزيدي تهزي صوتك... ثانيا حاجة ماتخصكش...
سولا: كفاه ماتخصنيش ايمن... وانا وش انا وش نكونلك... انا وش موقعي من الاعراب...
أيمن: كفاه انت وش اااه... انت سولا جارتنا...
سولا: والميساج الي بعتهولي اااه... مش قتلي الهي بقرايتك ومن بعد ساهل... علاه توهم فيا ايمن..
أيمن: غلطة اسيدي مانغلطوش ولا... وديجا ماوهمتك ما درت بيك
ضحكت بهستيرريا: تسمى فوت وقتك بيا... ودرك تتلوهط مع وحدة اخرى
ايمن: وقتاه فوت بيك الوقت يهديك ربي... نقلك غير اخطايني ابنت ناس... خوك عزيز عليا مانحبش نغلط معاكم... (دار رايح خلاهااا تشوف مع خيالو الي قاعد ويتخبى....)
فاقت من شردتها وقت امها حطت يديها فوق يديها هي... شافت معاها بعيون مدمعة...
وردة: ارحمي روحك بنتي.. عينيك طيبتيهم...
مسحت دموعها وحطت راسها على كتفها...
سولا: قلبي يوجع فيا ماما ماعدتش قادرة نتحمل والله...
وردة: إن شاءلله يرجع ماتخميش
سولا: شكون؟!
وردة: خوك اطفلة امالا شكون...
سكتت ورجعت لتخماممها تمنات لو لحقت عليه في الوقت وحكات معاه فهمت لحكاية شكون هذيك الي كان واقف معاها ...تمنات انوحطت نقاط على لحروف...تمنات حوار الي رسماتو في راسها من قبيل مايكونش... مايروحش ويخليها... اما من زهرها لقاتو وصل بحدا خوها ... ماقدرتش تحكي معاه ولا حتى تلومو... طلع وتهبط في لحكاية مرة على مرة تهز عينيها تشوف معاه... عاطيها بظهر حاط يدو في جيبو... واقف وقفة رجولية بإمتياز... شافاتو بعينيها ومش قادرة تأمن... حابة تحكي حابة تعيط تفرغ قلبها... تقلو انت ليا وحدي... وحدة ماعندها الحق فييك..
