🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 83:
سلمى: نسافر وش فيها... عندو سفرة لباريس مني نزها شوي ونحي على خاطري مني نخدم على روحي ونجيب(حطت يديها على كرشها تمسح عليها ) ببون صغرون ههه
ياسمين: هههه يابنت وخدمتك كفاه ت... ااا وش قلتي تجيبي ببون قصدك بيبي اااه...
سلمى: اييييه لاكتب ربي نجيب بيبي
ياسمين: ماتقوليش وأخيرا قبل ههه... يااااا عمري ارواحي لهنا نبوسك (ناضت راحتلها حضنتها بعدها باستها ) مبروك ياروحي... هههه راح نولي خالة...
سلمى: يابنت مزال ماجاش حتى يزيد صح ونسموه بوزيد...
ياسمين: هههه من درك نسميه انا ااا الالة...
سلمى: ايا سيدي حلال عليك سمي على روحك...(تنهدت )
ياسمين: وشبيك علاه تنهدتي...
سلمى: خايفة من المستقبل خايفة من اسامة...
ياسمين: احسن حاجة تحطيه عند حدو من اولها باه مايتماداش معاك...
سلمى: يابنت راني عطيتو لجنابو بصح قاعد يستفز فيا مش نرمال... الخوف لكبير انو تشنع عليا في سبيطار...
ياسمين: علاه هذا تشنع وش عملتي حتى تشنع... ياك هو الي لاحقك وطول مدة خدمتك واحد ماشاف عليك حاجة غالطة...
سلمى: تسمى انت ماتعرفيش من حبة تولي قبة... قالك قالك مزوجة ومصاحبة عليه... ااااااا نندب مجرد فكرة قلبي دار...
ياسمين: هههه صاي درتي فيلم ولعبتي دور وصدقتي روحك... يهديك ربي هههه...
سلمى: بليييز سوسو احكي معاه يخطا جدي... والله ماناقصة مشاكل نحب نمشي حدي حد الحيط...وزيد نخمم غير كفاه نجيب صغير... ونكون عايلتي صغيرة...
ياسمين: هدرت والله هدرت... مش حتى تقوليلي... مانيش حابة نخلعك اما مش ناوي على لخير...
سلمى: كثر خيرك زدت طمنتيني...
ياسمين جبدت نفس : وش تحبي نكذب عليك الخيانة والغدر عدنا نشوفوه حتى من القريب... ياصار واحد كان في يوم من ايام حبيبك وراجلك... ومتمرد من الفوق...
سلمى: ربي يستر... اووووووف... قوليلي انت وش عملتي في حكاية دار...
تلعب بستيلو في يديها ياسمين: شفت محامي حكيتلو رؤوس اقلام... قالي لازم نتقابلو ونفهم مليح لحكاية ونرفعلك قضية...
سلمى: وانت علاه ماشفتيش محمد اااه...
ياسمين: محمد؟!!!...
سلمى: وي محمد نسيتي بالي محامي...
ياسمين : يابنتي راح من بالي خلاص
تحل الباب طلعو روسهم يشوفو مع الي دخل...
فاتي: سلااااااااام....
ياسمين: بطة جات... هااا لالة وين بعتك صباح....
ضربت على راسها: يااااا نستك كليتو اناهههه...
ياسمين: مرهوجة اللطف...
سلمى: هههه ماك تشوفي في الاناقة ههههه...
فاتي: غيارين من لاطاي هههه...
ياسمين؛: محسوووب ههههه....
