🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 98:
سلمى: عندك ياسمين شوفي طريق قدامك... لكان مش قادرة تسوقي خلي انا نسوق عليك...
ياسمين: لا مرسي سلمى... يزي كل مرة متعباتك معايا...
سلمى: علاه بينا لحكايات هذو اطفلة...(شافت مع رقبتها) كفاه راح تخدمي هك... يعطيه كسرة ليديه...
ياسمين وهي تشوف قدامها: راح نفوت لطبيب شرعي... اي تعدي اخر راح نحط شكوى... يزيني ماسكتت على حقي...
سلمى: يابنت والله اول ماحليت الباب لبارح وشفتك تخلعت... خفت يكون واحد تعدى عليك...
ياسمين: هههه في لاخير ظهر خويا ضاربني... سامحيني سلمى مالقيت وين نروح دايما مشغشباتك معايا... نحس في روحي مخنوقة مش قادرة نتنفس... خويا يعمل هك؟ ما دخلتش لمخي خلاص...(فرينات حتى راحو جاو وقت وصلو لسبيطار )
سلمى: اااا يما قريب خرجتينا من زجاج هههه...
ياسمين حاطة يديها على قلبها تضحك :هههه خطأ فني... سلمى اليوم نخرج نص نهار نفوت على لمحامي لازم نقضي اموري... نشوف على دار مع انخا حكاية صعيبة عليا...
سلمى: كون تبقاي معايا حتى وين تفرج لا... صعيبة مرأة تسكن وحدها... صعيبة بزاااف...
ياسمين: الله غالب ماعندي ماندير انا درك... نتعايش مع ظروف وخلاص...
سلمى: كون تشوفي دار جيران يعني على الاقل يكون فيها ونس خير...
ياسمين: يالا نخدمو من بعد ونشوفو...
هبطو مع بعض يحكو حتى يوقفلهم في طريق...
اسامة: صباح الخير لبنات...
شفاتو دورت راسها: انا نسبقك ياسمين...
اسامة: علاه خسارة فينا صباح الخير ولا...
سلمى: مع الاسف خسارة فيك... وراحت خلاتو يشوف معاها... كان لاحقها حتى حكماتو ياسمين
ياسمين: وين رايح اسامة يهديك ربي...
اسامة: نفرز اموري سامحيني ولحقها يجري مخلي ياسمين تمشي وراه مافهمة شيء...
سلمى ماشيا و تحكي في تلفون مع محمد الي طلبها...حتى حتى قص عليها يحكي...
اسامة: سلمى علاه تعمليلي هك والله غيرنحبك ...
حلت عينيها مشوكيا فيه وفي الموقف الي تحطت فيه...( بعدت تلفون) هبلت اسامة هبلت نحكي مع راجلي يا به*يم
اسامة: ايه مهبول بيك ولازم نحكو...
حطت صبعها على فمها مسكتاتو ورجعت تلفون تحكي سلمى: محمد دوك نعاودلك
محمد: وش هذا وش الي سمعتو انت وين...
طلعت عينيها لسماء تمسح على وجها: محمد راني في لخدمة... تحب حل الكام تشوفني وين...
محمد: شكون الي يحكي معاك
سلمى: محمد راه واحد مهبول من بعد ونفهمك يهديك ربي
محمد: كفاه يهديني ربي ### بيا ولا...
سلمى: محمد راح نقطع نعرفك كما تقلق تتخلط من بعد ونحكو... وعندك الحق مهم سمحلي درك نعاودلك هك شوي...
