🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔
🖋 بقلمي: زينب 🖋
حلقة 51:
أسامة: مزالك انت هو انت ماتتبدليش خلاص نهار كامل تعيط هههه
ياسمين: هههه علاه انت الي تبدلت دايما روطار...
اسامة شاف مع سلمى: وش حوالك؟
سلمى مسحت على رقبتها بتوتر تحكي: لباس الحمدلله وانت...
أسامة: الحمدلله...
ياسمين: ماتقولش انت طبيب جديد...
أسامة: عندك مشكل ولا اممم...
شافت ياسمين مع سلمى : علاه مشكل مرحبا بيك... نحب تتستلم انت حالة وسام شوف حالتها...
اسامة عينيه على دوسي يقرأ فيه ويحكي: اممم اني نشوف في الحالة نتعها...
ياسمين: طفلة عزيزة عليا اعمل الي تقدر عليه اوكي...
أسامة: هههه مزالك تحبي تمدي الاوامر... متهنية سيدي نقرا ملفها ونعمللها تحاليل ولازم ونجي نتناقش معاك...
تبسمت مغاه ياسمين بعدها جبدت سلمى من يديها تحكي: نخليك من بعد إن شاءلله
أسامة مع تبسيمة وههو يشوف مع سلمى: ان شاءلله يارب...
~~~~~~~~
ماشيا هي وصحبتها مروحين...
سولا: تعرفي قداه مرة قريت ميساج نتاعو... مانيش مأمنة...
مروة: هههه انا ومش مأمنة... حجرة تاعك نطقت...
سولا:ااااا ماتقوليش عليه حجرة ما نحبش اااه....
مروة:ههههه با وحيدة لوكان تفيق خالتي وردة تنعتلك...
سولا:شكون راح يقلها غير لكان انت رحتي وقلتيلها...
مروة:من نيتك ولا وش مديني ليها انا..نشوف معاها نخاف...
سولا :مش لدرجة هذي بعد حرام عليك...والله ماما غير ناس ملاح...تبان عليها برك واعرة...
مروة:نعرف غير نضحك برك...
سولا:يااااه شوفيمعتصم الك*لب يلعب في طريق...يشوفو حمزة يعمل فيه اليوم...
مروة:اييي شوفي طموبيلات راهي تفوت من لتم...
سولا:معتصصصصم...معتصصصصم ارواح لهنا...
معتصم:ياهواااا علاه تعيطي...
سولا:هبلتي تلعب في طريق...شوف طموبيلات تعدي من هنا...
معتصم:لا كما نشوفو طموبيل نحبسو...
سولا:معتصم ماتخشنش راسك وهيا معايا لدار خيرلك...
معتصم:درك وين خرجت شويا ونروح...
مروة:خليه برك شوي ويروح...
سولا:طول والله نعيط لحمزة يجيك...
معتصم:روحي برك تعرفي غير تسمطي...
سولا:معليه تروح وتشوف...
