🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 73:
واقفة مع الباب تشوف معاه الليل كامل مارقدش غير يتقلب... قربت بحداه قعدت على حافة نتع سرير
جوجيتا: سفيان فيق...
سفيان: اممم نزيد شوي برك...
جوجيتا: يالا ياروحي ماتنساش عندك خدمة وزيد صاحبك يحتاجك...
تقلب على ظهرو وحط يدو على عينيه يحكي
سفيان: قدااه ساعة نلقاها فجر نعطيك تراحة...
جوجيتا: حلالك ضرب بانلي... نوض نوض راهي 8:30وانت مزالك خامر...
تنفض قاعد سفيان: قولي والله
جوجبتا: من نيتك علاه نكذب عليك اممم...
سفيان جبدها ليه: وعلاه مرتي زينة مانوضتنيش معاك ااا علاه خليتيني لدرك...
جوجيتا: قلت نخليه يرقد لصباح باه غفلتي شوي... وزيد تعبان وراسك يوجع
سفيان: يعيشلي الي يخمم فيا... وانت بكرتي ان شاء الله
جوجيتا: اممم باينة ماني نفوت في لعسكر لازم نبوانتي على صباح...
سفيان: وحيد راك تشكي بطريقة غير مباشرة.. هههه عجبتني منك...
جوجيتا : اكيييد لازم هذا كون ما نحكيش ليك انت لمن نحكي...
سفيان حط شفافو على خدها يحرك فيهم: اممم باينة ليا... وليا وحدي اكيد
جوجيتا:نوض حبيبي وجدتلك قشك اغسلي والبس ورواح تفطر اوكي...
سفيان:باهي...
جوجيتا وقفت رايحة من بعد عاودت دارتلو:ممكن نطلب طلب صغيرون وما ترفضش...
هبط رجليه لبس بانتوفل نتاعو سفيان:من غير ما تشاوري نسمع فيك
جوجيتا: روحي انت تغميت في دار لوكان تخرجني نشري حوايج خصوني...ماتقليش لا بليييز...
سفيان:كنت نخرجك اما هاك تشوفي معتصم في سبيطار والخدمة مكانش الوقت...
جوجيتا:حتى ساعة برك ومنها نعدي نطل عليه انا ثاني...
سفيان:لكان ما تطوليش صحا وجدي روحك بعد ظهر نخرجك....
جوجيتا:يااااااااا حبي انت هههه والله نحبك...
سفيان:جوجيتا يرضى عليك لبسة نحبها محترمة وخداع مؤمنين مانحبوش والا مكانش خرجة
جوجيتا:تمام كما يحب حبيب قلبي...
(سعيدة تعيط) شافو مع بعض وضحكو...
سفيان:اجري والا اليوم تاكليهاههههه...
جوجيتا:ااااا ربي علاه هك
حكمها من كتافها مخرجها قدامو يضحك عليها وهي عاملة روحها تبكي جابتلو ضحك...ما وصلو لباب باب البيت تفرقو تقول عاملين عملة....
جوجيتا:نعم يما تحبي حاجة...
سعيدة:غما مابقتيش تقوليلي يما...روحي جيبيلي دواء نتع سطر رجلي راح تتكسر.
جوجيتا تمتم:إنشاءلله تتكسر وتحكمي بلاصة تركحي شوي وترحميني
سعيدة:وشبيك موتي لتم...يالا حركي رجليك جيبيلي وش قتلك...
جوجيتا:هاني رايحة...
سعيدة:وقهوة سخونة نحبها تغلي من كافتيار لعندي طول...
جوجيتا:اممم وش اخر...
سعيدة:جيبي هادم من بعد نشوفلك حاجة خلافة ماتخميش...
جويتا قلبت عينيها وبصوت واطي:حسبي الله ونعم الوكيل...نشوف فيك يوم إنشاءلله
سعيدة:وش قلتي...
جوجيتا:ماقلت والو كنت نحكي مع روحي معليه
سعيدة:إنشاءللههبال على هبال إقلبي وجهك درك مانيش حابة نشوفك...
جوجيتا:هو عندك الحق...اني قالبة...
سعيدة:بومة هذي من شفتك لا ربح ولا صبح...
