🥀💎 المكتـــوب 💎🥀
⭐🌾على عشقـــــك لامـــــــوني 🌾 ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 4
عند وردة
واقفة في شباك... كل مرة طل دور عينيها على طريق وترجع تسكرو وتدخل..حاطة يديها على قلبها
وردة : ولدك طول علاه يعمل هك...وانا موصيتهم خروج الليل منحبوش
شاف فيها بعد ما كان يتفرج هلى الاخبار
بوجمعة : وشبيك امرأة ولدك ولا راجل توخر ساعة راح تعمل عليها حكاية ولا...شوية هك تلقيه دخل
وردة : رجعت وقفت في شباك..ولخوف ولخلعة مسيطرين عليها..) لا لا هو مالف يخبر يقول لي هو راح يطول شويا..ميخلينيش خايفة عليه..
بوجمعة:تهدني واحكمي بلاصة خوفك زايد نهار من نهارات يقتلك... دوك يروح وتشبعي بولدك ومايكون صايرلو شيء...انت ارواحي اقعدي رتحي روحك بربي مايكون غير الخير
وردة : نشاءالله ياراجل ..نشاءالله..مع هك عيطلو يمكن يهز عليك...من صباح نعيط ماهزش
نفخ بوجمعة كاره كل من يتوخر تعمل نفس الفيلم : عيطلو وتلفونو مشغول ..تهدني..وروحي أقعدي وأرتاحي..وريحي رجليك لطابو من لوقفة.. راني دخت في جرتك...
مرة رايحة ومرة جاية طل على طاقة حالتها من يتوخر كي حالة كل ام تستنى ولدها وماتتهنا حتى يدخل وتشبع بشوفتو ... رجعت قعدت على بونك...
سمعو صوت الباب دار تحل ناضت تجري أول مشافاتو داخل تنهدت براحة..حاطة يديها هلى قلبها...
وردة : نهار من نهارات تقتلني ناقصة عمر...شوية ونخرجلك على تلفون...
حمزة ينحي في سباطو يحكي:الف مرة نقلك ماتخافيش مابقيتش صغير وديجا غير فلحومة وين عندي نروح... غير شريت شوي نتع شكولاطة لسولا وجيت راجع...
وردة:كون يعود في عمرك 100 سنة تبقى صغير...مابقيتش تقلي غير لهنا وين نعرف البرا وش كاين ولا لحرام غير هم...و زيد دلالك زايد لسلسبيل هو الي فسدها وخلاها تعمل فيك رايها...
حمزة قربلها حضنها:سامحيني اسيدي إنشاءلله مابقاتش تتعاود... ارضاي عليا برك...
هنا خرجت سولا تعيط وترمات عليه تقول طفلة نتع 5 سنين تحكي
سولا: يااااااا حمى جيتي... جيبتلي وش قتلك...( تدبل في عينيها وبوزتلو شفافها )...
حمزة: جبتلك جبتلك وكي ما نجيبش لختي حبيبتي لمن نجيب....(عطاها ساشي هزتها من عند.بعدما باساتو وهربت لبيتها تحكي )
سولا: يخليك الغالي ولا يحرمني منك... تصبحو بخير
حمزة: وانت بخير...بعدها دار لامو... طفلة هذي منين جبتاها... سرقت العولة وطارت هههههه
وردة: تستاهل تربيتك هذيك... قلي درك نحطلك تتعشى...
حمزة: خلي نتوضاءونصلي بعدها نحط لروحي... انت ارقدي تصبحي مبكرة مع غجر الي عندك...
وردة: ربي يتقبل إن شاءلله... مالا نوجدلك لعشاء نسخنو غير حط ليك...
قرب منهاباسها على راسها: الله يخليك الغالية ويحفظك لينا...
وردة: ويخليكم ليا يارب...
