المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
الحلقة 122:
حمزة يحكي...
بقيت نشوف معاها كفاه تبكي... دموعها الي تسيح وسط ضحكتها الي تحب بين بيها انا مزال واقفة على روحي... مافهمتش صح قوة وجاتها فرصة هبطت دمعتها سيبتها... ولا هي ضعؤفة ومتخبية وراء قناع القوة... تمسح في دموعها الي على شافر عينيها بصوابعها وتجبد في خشمها مرة على مرة تاكل لقمة... وتدور راسها في جوايه الكل.. حكيت خشمي وحطيت يدي على طاولة متركز عليها في بالي سوأل نحب نسألهولها ترددت اكثر من ثانية من بعد خرجتو...
حمزة: حكيمة...
هزت راسها معايا متبسمة كما العادة: ياسمين اسمي ياسمين ... حاليا مانيش في سبيطار... وزيد قاعدين وحدنا...
حمزة: مريڨلة ياسمين... حاب نسقسيك حاجة واذا حبيت تجاوبي واذا ما حبيتيش راحتك...
ياسمين: تفضل سفسي عادي
حمزة: اول شيء علاه راكي تبكي... على دراهمك الي راحت ولا على خوك...
ياسمين: ههه دراهم انا الي نجيبها مش هي الي تجيبني مدام بصحتي وواقفة على رجلي نجيبها... دموع من قهر الي قهرهولي خويا ما ماما وبابا... لحمي ودمي غدرتو قسمتلي ظهري ما خلاتش فيا... مشكل انو يبقى خويا...
حمزة: ربي يعطيك على قد قلبك الي عملو مش صحيح ويجي نهار ويندم عليه...
ياسمين: مايهمنيش فيه يندم يقعد الله يسهل عليه...(صونا تلفون ) بانتلي لازم نرجع للخدمة... سامحني كسرتلك راسك...
حمزة: مكان حتى مشكل... وقت تحتاجيني راني هنا في اي وقت حطيني في مقام خوك... ايه تفكرت عندي صاحبي اليوم كراء دار وقتها كنت معاه... تفكرت قلت لسمسار دار ثاني يخليها لكان حبيتي تروحي تشوفها نعيطلو... وانا عليا نقنعو يكريهالك...
ياسمين: الله يحفظك صح تعبتك معايا... وانت حتى ماتعرفنيش... نخمم ونردلك لخبر...
نشوف فيها كفاه هزت لحوايج الي طلبتهم... ماشيا من غير روح... وحدة بخدمتها ومنصبها تقول ملكة على عرشها... اما الي مخبي يعلم بيه غير ربي سبحانو... حتى انا نضت وراها نعمل طلة عند عصام ومعتز ومن بعد نروح....
ياسمين تحكي...
مافقتش على روحي كفاه حتى حكيت تسيبت في لهدرة وكأني مكبوتة... طلعت لفاتي حطيتلها عشاها وهبطت عملت طلة للمرضى تاعي ومن بينهم معتصم... وقت نشوفو نشوف خوه كان راقد ومرتاح في نومة... حتى خوه الي بايت معاه نسيت اسمو ماكانوش كسما وين هبط... قفلت عليه الباب طالعة نهز حوايجي اليوم نبات في اوتال ماقدرتش على تمرميد سبيطار نحب نعمل دوش نحي بيه تعب... كملت رتبت الببيرو وحطيت طبلية في بلاصتها هزيت لمفاتح وتلفون شفت مع دراهمي حمدت ربي الي يكفوني حتى نخرج شوية اخرين... هابطة في دروج وحدة تقابلني وسام قاعدة في لكرسي وواحد واقف على راسها تبسمت... ضحكهم واصل لاخر كلوار... طفلة هذي اجتماعية مش نرمال... قربت بحداها نسلم عليها...
ياسمين: وسااام وش حوالك...
وسام: ياااا حكيمة توحشتك عندك مدة ماشفتكش...
انا راح نرد وخو حمزة دار من كان يتبسم تمسحت تبسيمة.. شفت معاه وكملت نحكي...
ياسمين:غير مع المرضى وانت درك عندك طبيب يتابع في حالة تاعك... بصح علاه خيط اوكسيجين...
وسام: وي زادت ضربات قلب خلات نفس نتع يضيق...
ياسمين: ان شاء الله لباس (شفت معاه ) ماطوليش بلقعدة باه ماتتعبيش...
وسام: حاضر حكيمة شويا ونحكم بلاصتي...
قربت بستها على خدها متبسمة... وعطيتها بظهري مروحة حتى يوقفني بهدرتو....
