🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 90:
ياسمين: الو...
نورا: وي غير الخير...
ياسمين: بانتلي ماعيطلكش... عيطت عند الياس...
نورة: خرج وخلى تلفونو في دار...
ياسمين: اممم مليح مالا ديري حسابك جاية نهز قشي من دار...
نورة: هههه راح تهجي مليح احسن والله...
ياسمين: هجة تهجك وحدك... يجي نهارك وتطيحي في يدي...
نورة: هههه اليه لا يطيحنا يا بنتي...
ياسمين: ماتخافيش شفتي شوية نتع بخوخو الي راكي عملاتو يجي نهار ويروح وشر يرجع على ماليه...
نورة: ااااااه شوفي اااه لهنا وتحبسي مانحبش تحكي عليا هك...
ياسمين: محسوب كذبت عليك...(قطعت التلفون وطريقها لدار الي لهفوهالها...)
~~~~
سولا: كما نقلك والله شفتو مع وحدة واقف...
مروة: يابنت ممكن تكون تعرفو برك ولاقرات معاه...
سولا: حتى والو مايوقفش معاها... زح انا شوفة مستخسرها فيا... وهي واقف يجيب ويدي معاها عادي لااا ماقبلتهاش وماقدرتش نقبلها...
مروة: يزيك بلا غيرة زايدة... يجي نهار ويحكي معاك...ماتنسيش بعتلك ميساج...
سولا: نحب نفهم امروة مابردش قلبي...
مروة: ابعثيلو سقسيه و اتهناي مرة وحدة....
سولا: لا يقلك ترمي في روحها و يبدا يرمرم عليا هففف
مروة: امالا ماتبقايش تاكلي في روحك...حلها باين ابعثيلو كيف ماعمل هو اخر مرة
سولا: قولتك هكذا نعمل؟(هزتلي راصها نعم شديت تيليفوني بلا ما نزيد نخمم...دخلت الفايسبوك دخلت لليميساج بينا اما في شي مش نرمال) مروة كانو كونتو راح؟
مروة: خليني ندخل من عندي( مانعرفش علاش ماحبيتش كاني حاسة انو في شي مش طبيعي ومش حابة نتصدم بيه...رجعت تيليفونها لجيبها بالزربة و شافت فيا متربثة)ايه كونتو راح انا ثاني ماخرجليش(عقدت حواجبي فيها ومديت يدي )
سولا: هاتي تيليفونك
مروة: علاش مش مصدقتني
سولا: مرررروة عيش اختي هات( حطاتو في يدي بقلة حيلة اول ما دخلت كلش عادي في الكونت تاعو جات عيني على صورتو لي كنت حارستها اكثر من نفسي كل يوم نتفقد اذا كاين بنت تحوم بيه وهو واش عمل ) بلوكاني(خرجت مني الكلمة ضعيفة من قوة الصدمة يدي ولات ترجف حاولت نوازن روحي شديت في مروة )
مروة: عادي سولا شبيك خليك منو( فيكسيت عيوني فيها)
سولا: يا مروة راه رماني مالك.لبة واش حب مني؟ كان حاب يرضي غرورو وقت يعرف اني نعشق التراب لي يدوسو برجليه؟ علاااش خبريني علاش عمل هكذاك...علاش مدلي امل وخلاني نتخيل ونحلم...خلاني نبات نفسر كل حرف بعثو...وفي اول فرصة نلقاه يحكي وشايخ في مخو مع وحدوخرا ويبلوكيني انا؟؟...واش عملت غير اني حبيتو لدرجة اني نعس خيالو وقت يمر جنب دارنا.(نزلو دموعي و قواو حتى وليت نبكي بالشهقة و ضاعو حروفي وسط الدموع كون بقيت نحكي لغدوا بلاما نتوقف ماكنتش راح نقدر نشرح واش بعنيلي راه دنيتي...و ماكنتش راح نوصف شعوري لانو مش كسرني وبس راح قتل كل شي فيا كان يحس وقت اختار انو يبعدني عليه...اصلا هو بدا الحكاية وهو وقفها قبل ما تتكتب اولى سطور حبنا ..اكتفى انو يمزق الاوراق ويبعد...بلا ما يفسر ولا يقول شي كاني وحدة ****مدلها امل منبعد شاف انو ما تناسبوش راح ...هاذي نهاية حبي العذري ليه ؟ حبيتو بلا شروط و هو كسرني بلا سبب...مسحت دموعي و بعدت على مروة لي بقات تصبح بعدي بصح ما عندي قوة نرجعلها و ما عندي خلق نشوف حد ولا نتعب روحي ونحكيلو واش حاسة لانو مستحيل الكلمات وحدها راح تقدر توصف لي نحسو
