💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 111:
ياسمين: خويا ماماين غير هذي...
###: هذا الواجد حاليا...
ياسمين: تتمسخر بيا دار في حالة لكلاب ماتسكنش فيه... شوف بالباب... ولا طاقة... اخاااه (حلت صال دوبان تخلعت ريحة تقت.ل حشرات تجري من كل جيهة...) مستحيل نسكن فيها لا وزيد شوف اااا لا لا مانقدرش عليها
###: مافيها والو غير صبغة وتسيقة الله الله ترجع عروسة...
ياسمين: انو ما نقدرش نعيش فيها شوف كشما تلقى خلاف...
شاف معاها بتشناف: هذا الموجو اختي صينو شوفي غيري...
ياسمين: هيا باهي اسيدي.. نخليك على خير ومرسي على تبهديلة الي جبتني ليها تبسمت معاه ابتسامة صفراء وخرجت من دار راح ترد قلبها...(تحكي مع روحها...) وش هذا ياربي وين راح نلقى انا درك... طريق الي نحط رجلي فيها تتقطع...(هزت راسها لسماء ) يارب رحمتك راني غلبت... هبطت في هذاك دروج بسيف تمشي...
~~~~~
داخلين في باب تع دار... سولا هبطت تجري...
بوجمعة: بعقلك علاه تجري تحبي تطيحي...
تحكي بلهفة سولا: وش حوالو فاق...
حطت وردة صاكها وقعدت على لكرسي: لا مكان حتى جديد...
حمزة: نطلع نرتاح من بعد...
سول: نحطلك تاكل؟
حمزة: من بعد مش قادر...
وردة: لازم تاكل باه تقاوم الي جاينا مش شويا...
بزجمعة: خلوه على راحتو وقت يجوع باكل... اطلع ولدي إرتاح..
طالع في دروج من غير روح ولا حتى قادر يهز رجلو ويطلع هدوك درجات... وصل لبيتو دز الباب دخل وترمى على سرير... يشوف مع سقف مكانش دقايق حتى صونا تلفونو الي ماسكتش من يومين وهو اتصال وراء خوه... عقد حواجبو يشوف مع رقم ما عرفوش... كوبا عليه ورجع حط يدو على عينيه... حتى زاد عاود صونا... هز طول من غير مايستنى...
حمزة: وي...
اروى : حمزة هذي انا...
نفخ كاره:وش تسحقي في ### ... ياك بلوكيت جدك..علاه تعيطي...
اروى: حمزة سامحني غالطة نعرف... اما ما تعملش هك... تعرف بالي نحبك...
حمزة: مي انت صح رخي. سة... ياو غير اخطي قسامي مانسامحش واصلا مانيش سامع بيك... ياك عجبك زبن والماتريال وش تحوسي عندي... درك راح نقطع ما نحبش تزيدي تعاودي تعيطي تسمعي... ماعدتش سامع بيك وما عدتيش ڨوسطويا تفهمي...
اروى: اوووه بعد راح تديها في روحك... انا الي غالطة الي نجري من وراك وما صيرك ببن يديا كونك متهني غير انا الي ما تقدرش تنساني...
حمزة: شوفي انت ### على روحك اقعدي خمي هك حتى يتط. فر فيك...(قطع اتصال...)
