🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 25:
ناض حمزة قفل الباب و قعد فلبيرو مع ايمن يحكي
حمزة:من لاخرالطفلة راني توسوستلها من نهار بدات القارية فلافاك و هي مش نورمال... تمسخر بيا دايما ما عندهاش الوقت ايماجيني وليت ربع ساعة منقدرش نهدر معاها فتلفون !... وهادي بلا الحكايات لبروغرام المشارجي TP وTD و الاكسبوزي كور ... هذا كل و لي دخلني في بعضايا ليامات هادو كامل راهي اوكيبي بزاف ايماجيني نص الليل اوكيبي... منيش حاب نخمم في حوايج غالطين... اما شيء راهو قاعد ويزيد..
ايمن قاطعلو هدرتو بضحكة: هههه و الله يا حبيبي يخي تعرفني نجيبهالك من لخر راك رايح بوجهك مع الطفلة هادي و راك تكذب على روحك بسيف تلقالها فلاعذار ...
حمزة: كيفاه نكدب على روحي فوتنا اشيخ من التمسخير انا نهدرلك في صح و نتا شايخ بيا على الصباح و الله ما وقتك.. زاد قطعلو ايمن هدرتو يحكي
ايمن: اسمع اسمع دركا عندك مشكل مع هادي لي منحبش حتى نسمي اسمها ... مكلاه تبدا تخرج في غشك فيا... و نعطيك ملخر انا اني نحملش الطفلة هادي بيسك اي خفيفة ترعش وحدها و ستوتة زعمة راسها ماتهزوش وهي العالم ربي وش تدير و علابالك بيا من العام لول لي طحت فيها مانحملهاش... مالا احبيبي مانحبش نشوفك محش*يتلك من عند وحدة كيما هديك... فيق مع روحك لا تولي ط*حان بودنيه
حمزة قاطعو: كيفاه وحدة كيما هديك الطفلة يخي علابالك راني ناويها حلالي بركانا من الهدرات الزايدين...مانيش نتع اللعب هذا ...
ايمن: وشمن ناوي حلال اخطينا من الخرطي تاعك هدا كلش حرام في حرام و علابالك بيها و دايمن نقولهالك ما تستناش ربي يباركلك في علاقة غير شرعية... انا قلت الي عندي وانت وكيما حبيت بيسك صح درك راني نشوف فيها راهي تحش*يلك اشيخ ما تتنشع مني ماوالو لكان هدا كامل لي راك تشوف فيها دير فيه... و بانتلك نورمال هنا نتا لي راك مبعر... دير في حسابك تاني الشي لي يشوفوه الناس عليك ماشي كيما تشوفو نتا مالا اصاحبي راهي اوفيسيال فيها حكاية...
حمزة: و الله خدمتهالي ا ايمن راسي يقولي روح درك بعد ليها و ن*** بطريحة بلا ما نفهم وش كاين
ايمن: حبس حبس في بلاصتك... اليوم بعد ما عندك وين تروح اطلع للسيكريتارة تعطيك لي facture نتع لاكوموند وعدي هزهم عندك livraison خارج الولاية غدوة في récupération تاعك ريڨل اموراتك معاها حمزة: هيا باهي اسيدي رايك والبراكة... انا نوض نخدم على روحي ...
ايمن: وش تستنى ديجا راك روطار...
حمزة: سلسبيل هي شكال... وهكذاك وصلتها قبل الوقت مسكينة خليتها تستنى...
ايمن: وانت علاه تخلاها وحدها مع صباح ربي.. كون يتحرشو بيها ولا حاجة...
حمزة: لالا خليت معاها صحبتها وشفت زوج من ولاد لحومة يستناو حتى هم راح يدخلو يقراو...
ايمن: امممم اختك وانت حر... دبر راسك انا غير هدرت برك
حمزة: أو قتلك واحد ما يدور بيها...ديجا حتى انت اختك ومن حقك تخاف عليها كيفي ولا اكثر... ايا نخليك ربي يعينك حبيبي اتهلا و خرج و قال الباب وراه
هز ايمن هينيه مفجوع كلمة اختك تتعاود...«سلسبيل اختك »
قلبو ضرو من الهدرة هادي خبط يدو على البيرو وهزها يرص عليها بين سنيه راح ياكلها ...
