🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 61
واقفة مع طاقة نتع البيرو هازة في يديها كاس حليب بشكولاطة... وحاطة على ظهرها فاست نتعها... تخمم في الي جاي... هذا ثاني يوم تبات في الخدمة... في وقت غير الڨارد نتعها... مرة على مرة تترشف من كاسها... تشوف مع ناس داخلة وخارجة... الوقت يمشي والحياة تمشي... طبطب الباب وتحل دارت تشوف شكون... حتى قابلها واقف يشوف معاها ويتبسم...
اسامة: قالولي ماروحتيش....
رجعت قعدت على لبيرو تحكي...
ياسمين: اممم بايتة هنا...
أسامة: بصح مش الڨارد نتاعك اليوم...
ياسمين: ضروف هذا ماكان...
أسامة: تحكي بلالغاز... معليه سامحيني تدخلت...
ياسمين: من وقتاه بينا لهدرة هذي...
اسامة: معليه خليك براحتك وقت تحبي تحكي اني هنا نسمعك...
ياسمين: يعيشك قولي وش من ريح جباتك
اسامة: هههه تعجبيني كما تعرفيني بلامامن الاخير جيتك على حاجة نحبك تعاونيني فيها ...
ياسمين: غير الخير نعرف شوفة تاعك هذي ماتدلش على الخير...
اسامة: برأة هذي الكل تقولي عليها هك...
ياسمين: هانطق واخرج عليا نحب نرقد... غلبت من لبارح ماغفلتش....
اسامة: نحب رقمها...
ياسمين:(شربت من كاسها) شكون؟
اسامة: باينة شكون بلاما تتمهبللي
ياسمين: قصدك سلمى؟
اسامة: ياااس...
وقفت من الكرسيت عيط: بانتلي هبلت اااه... المرأة مزوجة تفهم وش معناها مزوجة ولا؟
اسامة: عادي ومن بعد وش فيها... مش اول وحدة تكون مزوجة....
ياسمين: لااااا انت بسيكوبات انت... نقلك اخرج هليا اخرج... ماتزيد تجبدلي لحكاية هذي مرة اخرى... تسمع فيا...
اسامة: خارج بصح نقلك رقمها ماتمديهوليش انت كاين الي يمدهولي... سلام
ياسمين: اااا مهبول صح...
اسامة: وي ودافع وراقية...
ياسمين: يهديك ربي اخطاها خليها تكمل حياتها كما ناس... راك خمة سنين خرجتي من حياتها وبإرادتك
أسامة: ودرك رجعت عادي...
ياسمين: ماعدتش قادرة نزيد نسمع اكثر تفهم... يا ويلك تقربلها انا الي نوقفلك.. صح قريب مني اما هيا اختي تفهم...
اسامة: خلي الوقت هو الي يبين كل شيء...
راحت للباب فتحاتو ووقفت قدامو: بانتلي طولتي لهنا تصبح على خير
اسامة: تصبحي بخير...
ياسمين قفلت الباب بلقوة تمتم بينها وبين روحها: خماج مايستعقلش خلاص تقول في عمرو ربع سنين...
رجعت للبيرو تشوف شكون الي يعيطلها في تلفون عاقدة حواجبها من رقم الي ظهر...
