💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 105:
وصل لسبيطار يعيطلها ماتهزش... قفل طموبيل وطلع يزرب في خطواتو طالع في دروج وتلفون في يدو... حتى حبسو وقت حكى...
اسامة: اوووو شفتك ماطولتيش جية...
دار شاف معاه عاقد حواجبو: انت؟! وش جابك لهنا...
قربلو بخطوات ثابتة على وجهو ضحكة استفزاز: نظن مرتك ما قاتلكش بالي رجعت وراني نخدم لهنا...
قرب جبدو من طبلية: وش تعمل لهنا ياولد ### اااه مش ن### هجيتي علاه راجع ااااه
هبطلو يدو يشوف معاه شوفات نار: جيت نرجع مرتي الي ديتها مني يا طح*ان... ههه في بالك راح نخليهالك اااه... تحلم تعرف تحلم احلم ...
جبد معاه بدماغ خلاه يرجع لوراء: اقسم بالله وتخمم مجرد تخمام انك تقرب لعرضي غير ندب*حك ياولدي بالك ماتعرفنيش مليح... هذيك مرتي يا عرة رجال... نفهم برك وين حاط روحك... حتى تخمم تقرب لمرأة مزوجة... حط في بالك مزال متحكم في اعصابي ومانيش حاب نعمل لحس لهنا وبن خدمتها... والا كنت وريتك الوجه ثاني...(الي بعدي يشوف معاهم...)
مسح دم الي هبط من خشمو: شوف كميرات سبيطار نظن حكماتك وقت ضربتني ههههه... ولا تحب نوريلك فيديو هذا اااه... شوف شوف ولا تعرف نهاية نتاعو اااه... اممم وانت خير وش تحب نعمل... واحد رخي*س ماتستاهلش شعرة من راسها... ههه هاي جات مرتك تجري...
وقفت بحداهم تنهج تشوف مع محمد مرة ومع اسامة مرة...
سلمى: محمد هو...(حكمها من يديها جرها من وراه...مخليها حايرة في ردة فعلو...)
~~~~~
سفيان بعدما لقى امو فتحت واقفتلهم في الباب...
سفيان: تفضل عمي براهيم... سامي حمد علاه واقفين لتم...
سعيدة: خير ثاني وش جابهم...
حل عينيه في امو: يمااا... تفضلو تفضلو..
براهيم: جيت نروح بالطفلة... الامانة الي مديتهالك وماصنتهاش...
جاهم صوت يوسف من لوراء: هدرة هذي مش على الواقف نحكو فيها... تفضل حاج براهيم...
دخلهم لصالة قعدو.. ووصى سعيدة تجيب القهوة...
سامي: هااا سي سفيان انا اختي تتضرب اااه..
سفيان: في لحظة غش عملتها... مكانش قصدي...
براهيم: لا انا لا خاوتها عمرنا لاحطينا يدينا عليها... تجي انت في شهرين توكلها تراحة... رجلة هذي اااه هذا الوعد الي وعدتهولي ياراجل هذي كلمتك الي مدتهالي...
يوسف: غلط وغلطتو كبيرة ثاني... اما خلو نحلوها بلا مشاكل...
حمد: هههه وش نحلو وشمن مشاكل وهي مزالت فيها هدرة طفلة درك تروح معانا.. كي رانا حاكمين روحنا على ولدك لدرك رانا ملاح... اختن مش مططيشة حتى تتعامل كما هك...
سفيان: عندك الحق نعرف غالط ونطلب سماح... اما انها نخلاها تخرج من داري هذي لهدىة مانقبلهاش...
سامي وقفلو معرش: لا خويا وزيد عندك وجه وتهدر... كون جيت في بلاصتك نخبيه...
سفيان وقفلو حتى هو: وانا مرتي مستحيل تخرج من دار تفهمو فيا...ماتعتبش عتبة نتع هذا الباب...
حمد:محيوب هو بكيفك.... قص عليهم الهدرة وقت (دخلت جوجيتا الي ترمات على باباها تبكي )
براهيم: بنتي جيبي حوايجك ويالا لدار...
يوسف: حاج براهيم.. بلعقل برك خلينا على الاقل نسقسو طفلة تحب تروح معاك ولا لا...
هبط راسو لبنتو الي مدخلة راسها في صدرو: بنتي جمانة حوايجك واجدة ياك باه تروحي معانا اااه...
