🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 103:
خارجة من القسم بعدما قرات ساعتين رياضيات راسها راح يتكسر... حاطة راسها وسط ساكادو تحوس على شكال تلم بيه شعرها... تنفخ من زهرها مالقاتش تحوس وسط جيوب حتى توقف عليها مروة تحكي
مروة: سولتي وش تعمل وسط ياكدو من ساعة ههه
هزت راسها وعاودت رجعاتو: نحوس على حاجة نلم بيها شعري مالقيتش...
مروة: دقيقة عندي نورمالمون...(حلت جيب وجبدت من واحد عطاتهولها )
سولا: بعطيك صحة مروش...
مروة: بلا مزية حبي... شوفي معايا لهنا وشبيه وجهك اصفر تقول ماتلك ميت...
سولا: ههه على اساس ما علابالكش... خويا بينو وبين لقبر شعرة.. وو (سكتت)
مروة: كملي علاه سكتي اممم... احكي فرغي قلبك... مش لبارح كنت تتوعدي تكملي حياتك عادي... مش كنت تقولي نخليه يتمنى شوفة مني ااا... علاه راني نشوف في العكس... حببته صح حاولتي معاه حاولتي توصليلو... عملتي الي تقدري عليه... نظن هك هو الخسر باه ماتلوميش روحك مرة خلاف... هو الي خسر مش انت... تقعدي على حاجة ولا على عبد باعك برخيس وما حوسش عليك... ياك شفتيه مع اخرى... وش تحبي تزيدي تشوفي اااه... خليك اطفلة عيشي حياتك الف واحد يتمناك... انت الي عميا تجري وراء واحد مشافش حتى فيك بنص شوفة... فيق على روحك فيقي...
تمسح في دموعها بكم تريكو تعها طلعت راسها بعدما كانت مهبطاتو: مانقدرش بين ليلة ونهار ننساه... تما هاني نحاول بالي نقدر عليه... صعيبة مروة الهدرة مش كما الفعل... حبيتو وحليت عيني فيه... مافهمتش علاه عمل معايا هك... بعتلو مساج من فيس اخر فرغت قلبي حطيتلو نفاط على حروف فهمتو بلاصتو وبلوكيتو... حتى صباح وقت لقيتو مع خويا ماهزيتش عيني مع انو قلبي يسطر يحب عليه... تمنيت لوكان بينا علاقة تحت اسم لحلال... تمنيت اما مش كل حاجة نتمناوها نتحصلو عليها...(تنهدت) نظن هذا الي يسموه #مكتوب انا واياه مانكونش لبعض...
مروة: فك عليك اقراي... حبي من جديد شوفي اياد ميت عليك وانت عاملة روحك ماكانش... يقلك حب ينسيك في حب...
سولا: مروة اختي مكان حتى واحد يقدر يحكم بلاصتو... واياد نشوف فيه خويا لا اكثر ولا اقل... عيش اختي مابقتيش تجبديلي عليه... ماعدت قادرة نخمم في شيء خلاف قرايتي وعايلتي وخلاص...
مروة: امهم خلاص ماعدتش نجبد اما نحبك ترجعي سولتي حلوة الي دايما تضحك... الوجه هذا ما عجبنيش...
كروشات فيها طالعين للقسم خلاص وقت راحة تحاول تبدل الموضوع...ويحكو في مواضيع خلاف...
