المكتوب " على عشقك لاموني "

حلقة 20

🥀💎 المكتـــوب 💎🥀
⭐🌾على عشقـــــك لامـــــــوني 🌾 ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 20:
اول ماخرجت من دار لهفتها نسمة باردة ضربت في عضامها... دموعها تسيح مش حابة تحبس دنيا ظلام وفي عينيها ظلام... هدرة صفراء تتعاود في ودنيها... حبست في بلاصتها طلعت راسها لسماء مخنوووووقة... حبات لمطر هابطة ترشرش على وجها... وكانو حتى سماء حازنة لحزنها.... تبلع في لبكياء غامتها حاصرتها كون يخرج صوتها يتسمع منا لاخر الحومة.. تنفست نفس كبير تبلع وتغص... مشات خطوات وحلت صاكها جبدت تلفون... تشوف مع الارقام شكون الي تستنجد بيه... وهي غدرة جاتها من لقريب... حلاتو جاء قدامها رقمها الوحيدة الي تسنعها وتنصحها وعمرها خرجت سرها للغريب... حطت عليه يصوني ويصوني تستنى حتى وصلها صوتها باينة هذا وبن فاقت بنوم ...
سلمى: ياسمين غير الخير تطلبي في نص الليل...
ياسمين: غدروني ياسلمى غدروني وطعنوني في ظهري... مابقاش فيا حيل...
سلمى: شكون ياسمين غير الخير...
ياسمين: حكاية طويـــــــــلة ... خلاص فاض بيا الكيل...
سلمى: وينك انت درك علاه تسمعفي صوت ريح... وينك..
ياسمين: لبرا وين راح نكون... خرجت من دار
سلمى: باهي احكي اول طاكسي وارواحي راني وحدي فدار... وما تفصليش الخط حتى توصلي لعندي اوكي....
ياسمين مسحت دموعها: اوكي هاني راح نحكم وحدة (هزت يديها تشاور لطكسي )
~~~~~~~
تشوف مع رقمو تحكي
درك انا علاه عليا رابطة روحي بيه... كل واحد يروح في حالو وخلاص مكانش مكتوب وما عادش يعمرلي عيني بففف... دقيقة نطلب سوزي دبر عليا وش نعمل حطت رقمها شوي وهزت عليها...
أروى :اهلا لحب
سوزي: هاذي انت وحيدة... علاه تعيطيلي من رقم جديد... ولا هاذي حكاية جديدة
أروى: اسكتي برك اطفلة حكاية طياااارة مش نرمال...
سوزي: ودرك وين تحكيلي اوحيدة...
اروى:هههه حكاية عندها شهر برك..قلت ممكن يفوت فلوقت..ياخي سيد ذاق وحصل عاد كما المهبول بيا...
سوزي:عاد نعرفك لفعة...مستغلة الفرص وهذاك حمزة وش عملتيلو..
أروى:كما كل مرة نفوتهالو وخلاص...ههه حاطني تربية ايده مانغلطش...خليه راقد هكاك على وذنيه ولا وش قولك ..
سوزي:هاك كبرتي ووعرتي اطفلة فتيني انا عدتيني من لهيه...
اروى:منك نتعلم الحب...اما حصلت نحب نطيرو من طريق قلقني بزيادة يتحكم وعامل عليا رجلة خنقني
سوزي:انفضي عليك لغبرة اطفلة...الي يقلشك هو الي تلسقي فيه...
اروى: يابنت ماكانش خرجة وماجابليش كادو هذي برفانات الحرة هذي سوايع هذي صاك... ما نقلكش وبلا مصروفي عمرو لا بخلني...
سوزي: هاك طحتي في بانكة صحة ليك صحة لعقوبة لخيتك...
اروى: حاجة وحدة مخوفتني... حابب يقابلني فدارو... خفت كشما يعملي...
سوزي: وانت ذغفة حتى يعملك عادي كما تتلقايه في طموبيل اتلاقايه فدار واقعدي براحتك...
أروى: زعمة؟... خلي نجرب وش راح نخسر... راهو جاجة الي تبيضلي ذهب...
سوزي: وجعتيلي قلبي... وانا مع لكوبي الي عندي...
اروى: لا نسيتي لكوبي لاخر مانعرف كفاه راح تفض حكايتو...
سوزي: تفضتفضما تخافيش... ايا طيري راهو يعيط سيد رجال
اروى:صحا تصبحي على خير
شافت مع تلفون حطت رقمها لقديم عيطتلو مرة ماهزش... ماتت بلفرحة عاودت بعثتلو مساج...