المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 134:
قاعدة وسط طموبيل... مرة على مرة نتفقد تلفون... ندخل ليميساج نقول بالك جاني ميساج وماشفتوش... كرهت وانا نستنا... بعدها لعنت شيطان... سيد مش ملزوم بيا علاه يجي... ديجا كما عمل فيا مزية وشاف سيد يعطيه صح... نفخت فادة كارهة روحي... حتى نشوف في واحد واقف قدام باب نتع البطيمة... هاز تلفون ويهدر مافهمتش علاه حتى ثبت معاه في وش قاعد يحكي...
###: وي اني بحدا البطيمة نستنى فيك... ايه عندي شي 10 دقايق لكان مش؟ اي خلي نروح على روحي... لا ماني نشوف في حتى مرأة... اااا اوكي هيا مريقلة... وقطع عليه الخط ورجعو لجيبو... هز يديه ينفخ عليهم من البرد... وكأني شكيت كان يحكي عليا... كمشت عيني نثبت معاه زعمة نروحلو ولا كفاه نعمل... نعيط نتاكد من حمزة خير بانتلي... عاودت هزبت تلفون حطيت رقم نتاعو باه نطلبو مزال ماصوناش وتقطع... حسيت دنيا الكل ظلام في وجهي... رجعت شعري وراء وذني... حليت airbags نشوف على شارجار نحطو في طموبيل على الاقل يتفتح... وكما العادة ماكانش هههه زهري ونعرفو...
~~~~~~
حمزة يحكي...
قاعدة وسطهم نشوف معاهم... معتز الي يحاول يرضي ماما بطرق الكل... صح متهور ومتسرع اما وين توصل عند ماما يولي كما طفل صغير... معتصم الي يخرنن هليه يحبو يبعد عليها.. وهذاك قاعد يجاكر فيه... سولا الي مرة تحط مرة تهز من قدامنا... بابا الي غاطس وسط كتابة نتع سنة نبوية... مرة على مرة يشاركهم لحديث... وانا الي مرة نكون معاهم مرة نتفكر هذيك الغدرة الي جاتني نحس في روحي مخنوق... صح جات سلامات فقت بيها قبل لا تحشي*هالي... اما وهك توجع بزاااف... انا غارق في تخمام حتى يصوني تلفوني... نلقاه مول دار صفرة تصفيرة خفيفة ندوح في راسي نسيت لحكاية خلاص دوك لمرأة تقول مش نتع كلمة وقفت بعدت عليهم وهزيت عليه يبان متغشش خليتو يستنى... صبرتو وقفلت الخط ورجعت لوريدة نحكي...
حمزة: يما هاني خارج بقضية دوك نجي مانطولش...
وردة: ربي يسهل ماتطولش باه نحطو لعشاء... وعيط لسفيان يتعشى معانا ومنها نطلب منو سماح على الي دارو خوك ونتشكرو في نفس الوقت...
حمزة: يما كما تعرفي سفيان دايما لاصق مع ايمن يانجيبهم لزوج ولا مانجيبهمش...
بوجمعة: ايه علاه لا يعني ايمن هو الي راح تخلاص ماكلة في وجهو لكان جاء...
وردة: بوجمعة!!!
شاف معاها وعاد شاف مع حمزة: روح ولدي ربي يسهل إن شاءالله وعيط لولاد من درك على لعشاء وما تتعطلوش
حمزة: ايا نخليكم سلام...
خرجت من دار كنت قادر نطلع على رجلي اما قلت من الاحسن إنو نزرب روحي... ركبت طموبيل نتع شايب وقلعت طول لعندها عما شي دقايق وڨاريت وراء طموبيل نتعها... هبط شاورت لسيد ومن بعد رحتلها لطموبيل طبطبت على زجاج مسكينة خلعتها وهيكانت تتعافر مع تلفون... تبسمتلي نحات مفتاح من طموبيل هزت صاكها وخرجت...
حمزة: طولت عليكم؟ صرالي مشكل صغير عطلني
ياسمين: ههه فقدت الامل انك تجي... وسيد مانعرفوش شكيت في هداك اما...
دار شاف معاه: وي هو بدات اما علاه ما طلبتنيش...
ياسمين: طاح شارج ههه زهري من دايما مانتولهش نشرجيه...
حمزة: ايا نطلعو نشوفو دار قبل لا بهرب راجل...
ياسمين: يالا (ماشيا وتحكي معاه) زعمة يقبل يكريهالي؟
حمزة: بربي انشاء الله... خليه عليا...
رجعت شعرها وراء تتبسم برضا على هدرتو خلاها تحس بلأمان...
