💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 112:
فاتت لعشية وطاح الليل قاعدة وسطهم كل واحد بحكي من جيه وهي غير تشوف معاهم جسمها حاضر وعقلها وقلبها غايب... مرة على مرة تشوف مع تلفونها من وقت ما خرجت من دار ما عيطلها ولا سقسى عليها لا حوس بفهم وصلت ولا مزال... وقفت رايحة لبيتها تحس في راسها راح يتكسر...
سناء: وين رايحة جوجو مزالت سهرة...
جوجيتا: راسي يوجع فيا من طريق.. نرتاح شوي كزال الايام نعوضو فيها...
امها: ايه خليها براحتها... روحي بنتي وارتاحي...
هبطت باستاها على راسها... ودخلت لبيتها حطت راسها على مخدتها ودمعتها ساحت... تحس في روحها مخنوقة... هزت تلفونها بعتتلو ميساج (وصلت من مدة )... ثواني وعاودلها... هزت بلا ما تستنا بعدما عدلت قعدتها...
سفيان: سلام...
جوجيتا: وعليكم السلام... لباس؟
سفيان: لباس الحمدلله وانت وصلت لباس...
جوجيتابعدما دموعهاخانوها : امم بخير الحمدلله...
سفيان: الحمد الله انا نخليك مالا...
جوجيتا: هذا ما كان؟
سفيان: وش تحبي نقلك جمانة... اصلا مانيش وحدي راني مع لولاد
جوجيتا: لا والو... تصبح على خير...
قطعت تلفون حطت راسها غامة عليه تبكي بصوت تكذب على روحها لو كان تقول ما توحشاتوش.... بكات وبكات حتى غفات...
~~~~~
واقفة قدام باب صالة وين كانت حليمة ووردة يحكو بعدما جات حليمة تطل عليها...
حليمة: اممم اخر قرار لازم نروحو منا...
وردة: كون تزيدي تخمي مليح حياتك الكل لهنا...
حليمة: معليه الله غالب #مكتوب ما منو مهروب...
وردة: على جال هذيك لحكاية اااه...
حليمة: مشنا في وقت لهدرة هذي... تسمع فيهم دموعها محصورين... بعدها طلعت تجري وقت سمعتهم وقفو خارجين... طلعت لبيتها قعدت على سرير حكامة في لفراش بيدها لزوج ترد في نفس بسيف... يعني راح يروح من هنا ما بقاتش تشوف... خلاص وفى كل شيء مع انو خالص من زمان من قبل لايبدا... تفكرت كل حركة منو كل حرف سمعاتو حكاه مع خوها مع ناس الي دايرا بيها... ميساج نتاعو... خيالو الي تشوفو في طاقة كل ليلة... هزت تلفونها دخلت لميساجو تقرا فيه وتعاود... ماقدرتش تزيد تحمل اكثر من هك... صدرها يطلع ويهبط تبكي بغصة تحاول صوتها مايخرجش...كل حاجة في جسمها ترعش... وقفت بحركة وحدة هبطت كل شيء كان محطو فوق البيرو سريرها كل حاجة تعرضها... بعدها طاحت على لارض من غير وعي تضوف في ضوء خافت بعدها راح...
