🥀💎 المكتـــوب 💎🥀
⭐🌾على عشقـــــك لامـــــــوني 🌾 ⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 12
وردة تصب فلقهوة وتحكي : شفتي اراجل طفل هذاك راح يهبلني...
بوجمعة يقرا فلجريدة ويحكي: خلي طفل براحتو مابقاش صغير... حتى تبقي تعسي فيه...ولدك راهو كبر
وردة: يكبر وش يكبر يبقى صغير... مش قابلة الخدمة الي كل يوم وحتى في الليل بزااف عليه... على جال وش هذا الكل...كل حاجة في وقتها تجي حلوة...لهفة هذي الكل علاه
بوجمعة: ولدك درڨاز على روحو من وقت كان يقرا وهو يخدم عمرو لا شكى... خليه يعمل وش يحب مش حنا الي نقررو في بلاصتو
وردة: سمى تحبو حتى يطيح من طولو باه تبرد... تحب تشوف ولدك مريضولا حاكم شوكة اااه
بوجمعة: شوفي ماكلاه تبدايني... موضوع هذا قصيه عليا... لانو راه اخرتو راح تكون كما كل مرة... تقصت لهدرة وقت دخل معتز
(دخل معتز ): سلااااااااام(قعد على حرف فوتاي)
وردة: وعليكم السلام... وين كنت الهامل...
بوجمعة يحرك في راسو: لا حول ولاقوة الابالله...
معتز: غير هنا مع ولاد لحومة... علاه دايما تقوليلي هامل....ها عيب عليك اوريدة...
وردةشافت معاه ومع بوجمعة: اني نشوف هدرتي ماعادتش تعجب... نروح خيرلي... بانتلي هدرتي فيها سم...(وقفت رايحة )
معتز: اهاااا لعجوز وين رايحة...(حكمها محضنها بيد وحدة)
وردة: انا لعجوز انا تقلي لعجوز... صحا هاني خليتهالكم طويلة وعريضةاسيدي اقعدو فيها وحدكم (وناضت متغشة ) كي انت كي باباك كلكم جايين ضدي
بوجمعة: وش ربحتي درك كي غششتها اااه...
معتز هز يديه : اااا وش عملت انا غير هيا فيسع تتقلق.. ايا حتى انا نخليك نحط راسي نغفى شوي... من بعد عندي برتيا بالون...
بوجمعة: هذا وش تعرف ماكلةو وشراب ونوم... شوف خوك معاك يهبش الليل ونهار...
معتز: انا خطيني لهبيش مزالني صغير نحتاج صحتي...
بوجمعة: نوض نوض تخمد كبرت غير لصحنية الوجه...
معتز: هيا مليح كي حاولتيني نوض برك... تصبح على خير وراح لبيتو يصفر
(معتز هو الوسطاني بعد حمزة في عمرو 24 ي
سنة لدرك مزال زاهي بشبابو عطاها لشناتي مايهم شي...زهواني يحب يعيش اما قلوقي قلقة محصورة بحدا خشمو تقرب منو ياكلك )
