🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 55
تعدات عند زهير شرات من عندو شوي فاكهة.. ورجعت بحدا الباب نتع حليمة عدلت شعرها وهبطت جيب الي لابستها وطبطبت مرة وزوج حتى تسمع في حليمة تعيط من داخل...
حليمة: دقيقة برك نحط حاجة على راسي ونجي...
وردة: اني انا احليمة...
حليمة: اااا وردة اني جيتك (دارت فولارة على راسها وحلت الباب بعدما دورت المفتاح...)
حليمة: اهلا اهلا مرحبا بيك جوزي جوزي دار دارك ماتسنيش عرضة...
وردة مع تبسيمة على شفافها: ترحب بيك الجنة حليمة اختي... احكمي عليا تشو...
حليمة: اخاااه على هذاك العيب علاه تعبي في روحك محسوب رانا دار وحدة...
وردة: حاجة ماتستاهلش تعرفيني مانحبش ندخل ويديا فارغة...
حليمة: ربي يحفظك حبيبتي... ادخلي لصالة نحط هذو في لكوزينة و اني جاية....
وردة: يعيشك
~~~~~~
في وسط زنقة من زنق الحومة فارغة طبطب واقف هاز ساكوشة في حزامو ويحوم على الي رايح والي جاي...حتى حبست طموبيل وسطها زوج ولاد هبط الكارو نتع طموبيل
***: واش الصحبة وش كاين سلعة اليوم واجدة
###: كاين قداه حابة صفراء البيضة هذو الي يدورو اليوم ولا صاروخ هذا قدبم في سوق
***: شحال الحبة تحسب
###: كما ناس الكل 50 الف الحبة
شاف مع صاحبو سقساه لايدي...
***: هات 6 مالا من صفراء والبيضة
###: تفضل خو جربهم وردلي لخبر...
***: شاف مع صاحبو وش قولك في طرف نتع 100...
&&&&:علاه لا نعدو ...الليلة سهرة لصباح...
عداو كملو طرف من عند واحد أخر ... داوها من عندو يتشارطو هذاك يجري ولاخر يقلو زيد عاملين حس كبيير... معديين على حمزة اليتهى مع جارهم بلهدرة لدرك ما راح جاب معتصم... هبط عليه كما ريح باقي يشوف معاهم ويحكي مع جارو
حمزة: شفتي رعاويين كفاه يلعبو بطمبيلات...
عمر: لقاوها ساهلة نهار كامل بدوا وش تتوقع...
حمزة: انا نخليك خويا عمر هابط نجيب طفل يبلعب بلبالون لدرك ما روحش...
عمر: ربي يسهل وسلمي على عمي بوجمة قلو يضربلي طلة...
يمشي ويحكي معاه: يوصل إن شاءلله ايا سلام...
يمذي ويزرب في خطواتو يحب يلحق قبل لا يأدن المغرب حتى يشوف في ناس مجموعة ومرأة تعيط وتبكي... قرب بشويا يحس في روحو مخنوق يسمع فيهم يقولو غير(👨💼 ياستار استر...👱🏻♀️ يكون مات...👱🏻♂️ يااا دمو كل ساح... 👨🏻🦰شوف شوف مسكين ضربوه وهربو... 👴🏻مانظنش نتع حياة ... 👵🏻يا صغير وخدوه في عمرو... 👵🏻ايييي حليلها امو تهبل من وراه... 👱🏻♀️عيطو للحماية قالو جايين...) كل مايقرب قلبو يزيد يوجعو حتى يشوف في ايوب يبكي جاه يجري... تلاح عليه يحكي في كلام مش مفهو م...
حمزة: علاه راك تبكي.. فهمني شكون الي ضربوه
ايوب: هيء هيء معتصم مات معتصم هيء هيء...
حمزة: وشبيك تخرط كان يلعب معاكم في بالون كفاه مات
حكمو من يديه يجر فيه وراه ايوب: وف هيء هيء دمو كل ساح قالو مات...
حمزة جمد ما قدرش يتحرك يشوف معا خوه مكدب هو ولا خاطي ولا يحلم... قرب خطوات بحداه يثبت ويعاود حتى رجليه رخو بيه وطاح في لارض..
