🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 99:
خرج من صالدوبان بعدما غسل وجهو تعدى للكوزينتة... يلقى امو قاعدة تفطر وتتبسم وحدها... صبح عليها وعدى هز كاس فرغ فيه لحليب والقهوة...
سعيدة: هيا مليح كما عاد ولدي راجل يصب في قهوتو وحدو ومرتو مرڨدة... معلبلهاش بدنيا تقول صبيا ولا ملكة في زمانها ربحت اسيدي...
دارلها يشوف معاها: قهوة هذي ليها اولا ثانيا اخطي عزرين طفلة راح تهبلها راهي خطياتك... ناضت من صباح ربي مش من درك وانا الي قافلة عليها في بيتها... تسمعي فيا طفلة كرهتاها بسم الي تسممي فيها كل يوم وزيد انا زدت عليها بضرب وقلة الاهتمام... عروسة جديدة ماخرجتها ما دورتها ماشافت ضوء... وفوق هك حاطتها خديمة.... اخطيها يرحم والديك طفلة ماجات في طريقك مادارت بيك...
سعيدة: ايي يه وليد كرشي... يعيط عليا على جال هاملة مانعرف مين لقطها... نقلك حاجة ان شاء ت روح ماترجع غير هي الي ماتبقاش في داري...
قطع عليهم باباه الهدرة وقت دخل يحكي...
يوسف: تسمى انت ماتتربايش اااه... طفلة ماعندها وين تروح هذي دارها كما راهي دارك يعني حتى هي تسال فيها... من الاحسن تقفلي علينا هذي لحكاية لانو مرة هذي انا الي نوقفلك فيها... تسمعي فيا....
ضربت على صدرها تحكي: انا بنت لبارح تتحط معايا في ميزان واحد... شوف نقلك انت وايه... يا انا ياهي في دار تسمعو فيا...
سفيان: علاه يما وش دانا للهدرة هذي...
يوسف: حبس لهنا سفيان... وش قتلك انا قبل ماتحطيش روحك في كفة لاختايار كما عملتاها قبل ب 30 سنة... وخيرتيني بين يما وانت... تعرفي ياك وش كانت نتيجة... ماعييتي تجي وتحللي وتطلبي في سماح... كون ماجاتش والدة راك عمرك لا دخلتي لداري مرة خلاف... احشمي درك راك كبيرة نورمالمون انت الي تعدلي لحوال مش تزيدي عليها...
سعيدة: عدت تعاير فيا ياراجل؟ اااه عدت تعاير فيا... معليه (وقفت خارجة ) غير الي في راسي الي نعملو...
يوسف: ايه انت اعملي وانا نعمل ونشوفو شكون الي يكسر شوكة خوه...
سفيان: بابا علاه راكم تعملو هك.. مرتي دوك نهزها نكري بيها... وفك علينا من المشاكل...
يوسف: انت بعد مانحبش نسمع صوتك بهدلتي بيا... علاه تضرب في طفلة رجلة تحساب فيها اااه.. طفلة لويز كيفها تعاملها كما لح. يوانة. . عيب عليك والله... امشي حلي عليها الباب ورضي مرتك...
سفيان: يابابا افهمني راهي حابة تروح لدارهم...حابة تروح ماترجع كفاه تحبيني نخلاها...
يوسف: ايه عندها الحق خلي تروح... ممكن كما تبعد عليك شوي تعرف قيمتها ويدك وسم الي ترهج فيه وحاملة وصابرة... مابقيتش تعملهم... راهي مرأة وضعيفة نورمالمون انت تكون يندها وقوتها مش ضعفها وقلة حيلتها...
سفيان: نقبل كل شيء غير انو تروح لا ما نقبلهاش... مستحيل نعرفها لكان قررت حاجة ماترجعش فيها..
يوسف: هذيك كونت تخمملها من قبل مش حتان تطفر ومن بعد تولي كما زربوط دور...
سفيان: بابا عاوني احكي معاها... بالك تسمعلك... بالك ماتروحش لدارهم... شوفلي حل
يوسف: حل عليها الباب خليها تتنفس طفلة من قفلت عليها وهي تبكي صوتها طالع لسماء... ارحمها باه ترحمك ومن بعد ساهل نشوفو كفاه نعملو...
