🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
هاز ساشيات مشكلة هذي شكولاطة وهذي مكسرات من كل حاجة شوي... داخل يصفر زاهي فرحان اليوم لازم يصالحها يكفيه يومين مبعدتو عليها... دخل يحوس عليها بعينيه مكانهاش...تعدى للكوزينة قابلاتو واقفة تقشر فلبطاطة...رابطة شعرها بفولارة...خصلات هابطين على وجها مقلقينها مرة على مرة تنفخ عليه...جابتلو ضحك...روبة فضفاضة ساترة روحها بيها تبسم مقرب ليها... وقف وراها قدقد
سفيان:جوجيتي
تخلعت دارت تشوف معاه صدرها يطلع ويهبط...
جوجيتا:بسم الله...فيبري ياراجل قبل لا تدخل خلعتني...
تبسم قرب منها خطف بوسها على خدها ودار يشوف مع الباب...
جوجيتا:عند جارة ماتخافش...
سفيان:قدر مش خوف...
دارت تكمل في تقشيرتحكي:مالا من غير ماتعمل حوايج هذي خارج بيتك...
سفيان:نعمل وش نحب ووين مانحب مرتي وانا حر... هاكي شوفي وش جبتلك....
تشوف مع صاشي وتشوف معاه
جوجيتا:لمن هذو ليا انا...
سفيان:عندي 10 من جوجيتا غير وحدة ياك...
جوجيتا:امممم يعطيك صحة (وخطفت صاشي بلهفة ) بصح ماتقولش سامحتك...هربت تجري للبيت فرغتهم فوق سرير...( ضحك عليها... لحق من وراها يشوف فيها كفاه مفرتتهم...)
سفيان:اني هنا...
جوجيتا:وي شفتك...
سفيان قفل لباب وقعد بحداها على سرير يحكي:توحشتك...
جوجيتا:وانا ماتوحشتكش...هزت حبة شكولاطة كلاتها تتبن تعمل فلصوت وتشوف مع عينيه...
سفيان:لدرجة هذي كرهتيني...
هزتلو كتافها:ماكرهتكش اما مانيش متوحشتك...الي شفتو منك وانا مزالني عروسة نافرني منك...
زاد قرب اكثر بحداها:وانا طلبت سماح الف مرة...قتلك غلطة مابقاتش تتعاود...
جوجيتا:سفيان الله يخليك...
حط يدو يبعدلها في شعرها من على وجها
سفيان:رجعيلي جوجيتا طيوبة الي نحبها...خليني دايما مصدر ثيقتك وقوتك ياك دايما تقوليلي انا أمانك...ماتبدليش نظرتك ليا...
جوجيتا:عمرو شيء الي يتكسر يعاود يتصلح دايما يبقى طرف ناقص...
سفيان:ياروح سفيان انت (قرب حضنها بين يديه يمسح على شعرها مستمتع بريحتها...حتى حس بلبلل على كتافو بعد يشوف مع وجها...عينها بدموع حمر ) علاه لبكاء ياك تعرفي بالي نحبك ون###عليك... راك روح يا مرأة... خلينا ننساو لحكاية ونبداو من جديد... ونجيبو بوبون صغيرون وشقولك اااه
ضحكت على هدرتو ومسحت عينيها تحكي:اوعدني مابقيتش تحط يدك عليا...كاين مشكل نقعدو ونحكو فيه...
سفيان:وعد يا روح...امسحي عليا دموعك وارواحي لهنا يالا...ماصدقت حتى تلاحت في حضنو وهو 🔞🙈🙉🙊
