🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 41:
نورة: ماحبتش ترجع صح ؟؟؟
الياس: خليني ندخل صح ومن بعد سقسي...
نورة: هههه مش قتلك من غير ماتعب روحك اااه...
نفض روحو على فوتاي يحكي
الياس: باينة مش راح ترجع من مرة الاولى... خلي اي مخشنة راسها...
نورة: الا لا يردها ان شاءلله... كشما جبتي من عندها دراهم ولا كما رحتي كما جيتي...
الياس: كفاه نقلها على دراهم وانا مخلاتنيش نحكي... ماتنسيش دراهمها الي لهفناهم...
نورة: عادي وش فيهالكان عاوناتك كما شريتي دار... خوها ولا مش خوها...
الياس: رانا حشيناهالها مش برضايتها...
نورة: هيا مليح لكان غاضك الحال روحلها اسيدي وانا انساني... عادي هذا مستقبلنا ومستقبل ولدنا الي جاي...
الياس: مستقبلنا وي (بعدها حبس على لحركة...) كفاااه وش قلتي؟ قلتي ولدنا لا؟
نورة : اممم ولدنا (حطت يديها على كرشها) بعد 8 شهر راح يجينا وليد...
الياس: احلفي.. ياااه مانيش مأمن كفااه هههههه
نورة: آمن آمن راح نكذب في حاجة هك... اممم
الياس: ماقلتش اما هذي 5 سنين زواج ماكتبش ربي...
نورة: وانت قلتها ماكتبش ربي... وهاو الحمدلله كتبلنا نهزو صغير بين يدينا....
الياس: الحمدلله يارب... خلي نعيط لعمتو نبشرها هههه...
نورة: هاي لمن تعيط... ماعندو حتى عمة...
الياس: ياسمين مش عمتو من حقها تعرف...
نورة : وانا قتلك غير هي ما تكونش عمتو وخلاص لكلام...
~~~~~~~~
سلمى: متاكدة تباتي لهنا؟
ياسمين: ايه متاكدة لازم نعول على روحي منا وهك... راح نبقى لاسقة فيك دايما...
سلمى: رانا خوات قبل لا نكون صحبات... مرة عندي ومرة عندك وهك تفوت لحياة...
ياسمين: هاتي نبوسك وروحي لراجلك بكون يستنى هذاك هو الوقت...
سلمى حضنتها : إن شاءلله نلقاه في دار... تصبحي بخير...
ياسمين: وانت من اهل الخير...
رجعت لسبيطار تمشي بسيف نهر كبير فوتاتو... تحس في عظامها كل يوجعو... الحالة هادية لاضواء طافية... تتمشى بكل هدوء تخمم في حياتها جاية... دراهم مابقاوش بزااف كلهم راحو في دار... لازمها تكري وتزيد تدخل الاساسيات... تمشي وتايهة حتى قابلتخا وسام واقفة تشوف معاها...
وسام: بانلي حالك اكثر من حالي...
قربت ليها ياسمين: ههه تقدري تقولي...
وسام: سمعتك وقت كنت تحكي مع خوك...
ياسمين: اممم عادي هذاك العادي مش اول مرة...
وسام: نصيحة صح انا صغيرة... اما خوك يبقى خوك... مهما يعملك ومهما يصعب عليك لحياة يبقى خوك اولى من براني...
ياسمين: هههه مشكل نعرف... قوليلي تحبي نوصلك لشمبر تاعك ولا تجي معايا للبيرو...
وسام نجي معاك كرهت من شمبر... هههه كاين عجوز معايا تشخر شخيرها واصل لاخر القارة...
ياسمين: ههههه ضحكتيني والله ... يالا معايا خلي نتعرفو على بعض اكثر...
وسام: دوم ضحكة تواتيك...
