🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 72:
من صباح طالع هابط فات وقت زيارة واحد لا خلاه يشوفو...( تلفون يصوني)
مسح على وجهو كاره عاود جبدو من جيب سروال لقاه باباه جبد نفس وهز عليه يحكي
حمزة: صباح الخير بابا...
بوجمعة: صباح الخير... من صباح نعيط علاه ماتهزش كشما كاين جديد...
حمزة: مكان والو حتى زيارة ممنوعة ماخلونيش نشوفو...
بوجمعة: كشما صرالو ثاني... وما خبروكش ولا؟
حمزة:لا مكان حتى جديد بابا اصبر اصبر طبيبة تاعو دقيقة نسقساها...
بوجمعة:ربي يسهل...
قطع على باباه ولحقها يجري يعيط عليها...
حمزة:حكيمة..يا حكيمة...
دارت يسمين تشوف شكون اول ماشافاتو تبسمت...
ياسمين:صباح النور مبكر لا...
حمزة:ماروحتش حكيمة...حبيت نشوف خويا ما خلاونيش..وقت زيارة فات...
ياسمين:ايه مانعة عليه زيارة...حالتو حرجة ماتقدروش تشوفوه...
حمزة:دقيقة برك نحب قلبي يبرد بشوفتو...
ياسمين:سامحني مستحيل...ماتقدرش تدخل للعناية بلاصة حساسة...
حمزة:ربي يحفظك اختي شوفي كفاه برك 5 دقايق مانفوتهمش...
ياسمين دورت وجها تخمم بعدها رجعتو تشوف معاه كفاه عينيه حمر وجهو شاحب وتحت عينيه ازرق... راجل واقف يحارب على جال خوه مهم يشوفو شوي من واحد لواحد لا ملى ولا كلى... حاجة ماتشوفهاش في ناس الكل... رضى على روحو تعب مهم يتهنى عايه سهر ليل كامل تحت البرد ماهمو في حتى حاجة... فاقت من سرحتها وقت حكى معاها...
حمزة: بانتلي قلقتك زيادة نعرف كثرت عليك من لبارح وانا من وراك... نخليك اختي وسامحيني على ديرونجمو...(دار عطاها بظهر ماشي...حتى حبسو صوتها )
ياسمين: إستناني 5 دقايق دوك نجي ندخلك...
دارلها وتبسيمة من شق لشق: ربي يحفظك خيرك هذا دين على رقبتي... عمري ننساه
قربت منو ياسمين تحكي...
ياسمين: من غير مزية... اما عندي طلب صغير اذا ممكن...
تمحات البسمة واحتلت في بلاصتها تكشبيرة وحيرة : تفضلي
ياسمين: خليك دايما هك حب خوك ولا خاوتك... ماتخليش حتى حاجة تدخل بينكم... لا مرأة ولا غيرها... لانو غدر لقريب صعيب... وقت لحمك ودمك مايسقسيش عليك غير وقت المصلحة ولا غير في الفرح يجيك والقرح عمرو يسمح فيك...توجع بزاااااف...
تبسم يحكي: غير هذي ماتوصيني عليها... هدوك لحمي ودمي نعرف نبيع روحي على جالهم... ومانفرطش فيهم... من حليت عيني وماما وبابا علمونا معنا نكونو عايلة تكمل بعضاها...من جيها هذي كونك هانية...
ياسمين: ربي يخليكم لبعض... تمنيت لو (كانت راح تحكي من بعد فاقت مع روحها...) راح نخليك تستنى شوي نظم اموري ونجي ندخلك ليه...
حمزة: براحتك وين نستناك... تعرفي مالازمش نوقف هنا يخرجوني
ياسمين: غير وين البيرو تاعي برك باه نتولهلك... ومتهني مانطولش غير نفطر برك ونجي...
حمزة: اوكي مريقلة... مرسي ربي يحفظك
