🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 67
خرج من عندها تعدى وين العايلة كامل قاعدين... حكى معاهم شوي يحاول يقنعهم يروحو في لاخير قدر... وهناهم اي تطور يخبرهم... بعتهم مع معتز وهو خرج قعد برا في كراسة نتع سبيطار... تلفونات ماحبستش... من وقت لاكسيدون ناس كل تسقسي... حطو على صامت... بعدها تفكر خدمة حط رقم ايمن... شويا وهز عليه...
ايمن:غير الخير انشاءالله...
حمزة:مكان حتى جديد... غير عيط نفكرة تحطلي على كونجي سمانة حاليا...
ايمن:كونك متهني بلا ماتوصي حتى انا ندي معاك...
حمزة:من غير ماتدي...خلي تختاجهم وقت نحتاجك نقلك...
أيمن:هيا مريقلة...ملا غدوة نكمل ونعديلك...
حمزة: صحا تصبح بخير ...
ايمن:وانت من اهل الخير...
قطع اتصال حط تلفون على طابلة بحداه...
حليمة:مكانش جديد؟...
ايمن:لا والو غير فكرني نحطلو كونجي...
حليمة:ربي يقدرهم برك ضربة تقسم ظهر...
ايمن:مش تقسمو تهدو مرة وحدة طفل مزال ماشاف حتى شيء من دنيا...خرج يلعب صبح في سبيطار...
حليمة: عرفتوهم الي ضربوه...
ايمن: لا مزال بصح باين مش من الحومة... كون من حومة مايهربوش...
حليمة: حتى لولاد علاه يلعبو في طريق...
ايمن: على اساس كاين ستاد خلاوه ولعبو لبرا...حومات الكل عندهم ستاد صغير...غير حومة تعنا مافيها والو...
حليمة: بالاك مع الوقت يعملو... مهم وليدي اديني معاك غدوة نطل عليهم...
ايمن: إن شاءلله... انا ندخل نرقد غدوة نبكر...
حليمة: ربي يعينك وليدي... انا نقرا شوي قرآن ونصلي ركعتين ونرقد...
ايمن: اييه ادعيلو معاك لا على تكون ساعة استجابة...
حليمة: أكيد وليدي اكيد...
دخل لبيتو قعد على سرير جبد تلفون دخل للفيس حكاية معتصم بدات تتنشر وبدات الهدرة تتزاد على لحكاية... طلع هبط فيه من غير روح.... بعدها حطو يشوف معاه يخمم في ردت فعلها وقت تعرف إنو بلوكاها... وش راح تعمل وكفاه تتصرف زعمة تكرهو وتنقم عليه تشوف حياتها... الف سوأل وسوأل يدور... بعدها استسلم لنوم...
