🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 66:
من شافت لخبر في فيس وهي تبكي.. ماشيا جاية تاكل في ظفارها... مرة تقعد مرة توقف ماتهنات حتى تفتح الباب ودخل يشوف معاها... بسيف واقف وجهو زراق من تعب الوقفة وزيد خو صاحبو الي شغشبهك... مستناتش دقيقة ترمات عليه تبكي...
سفيان: غير الخير لكان حكاية مع يما اجليها والله تعبان...
مسحت دموعها جوجيتا: لا عمري شكيت منها حتى نشكي درك... اللهغالب غير لبكى مانقدرش نتحكم فيه...
جبدها من حضنو حاكم وجها بين يديه: علاه جوجيتي تبكي اممم...ياك دايما نقلك ماتبكيش... يصرا وش يصرا ماتبكيش...
جوجيتا:شفت... شفت معتصم في فيس بكلو دم مرمي على لارض قالو مات...
سفيان تنهد: ماماتش اما بين لحياة والموت...حكاية صعيبة بزاااف...رعاوين ضربو جابوه في ارضو...وهربو ماخلاو حتى تراس...
راح قعد على سرير حط يدو يماصي على راسو...وهي جمعت بحداه...
جوجيتا:حرام مسكين صغير مزال نشفى عليه... غير كما في عرسي لبسني هو محزمة...وقالي في وذني مرت خويا الله يبارك زينة... دوك نقول لسفيان يخليني نجي نبقى معاك حتى جابلي ضحك ... تعرف مزالو لدرك بين عيني...ماقدرتش نتخيلو وهو كما هكاك...
سفيان:تعرفي من صدمة مانيش عارف نتصرف...طفل راهو رباية يدينا فتح عينيه فينا... انا وايمن كما خاوتو ...
جوجيتا: ربي يستر برك... وعايلتو وش حوالها...طاطا وردة سلسبيل اكيد راح يهبلو مساكن...
سفيان:خلي لربي برك...جوجيتا روحي ديريلي قهوة راسي راح يتكسر...
جوجيتا:نسخنلك عشاك تعشى من بعد ساهل...قهوة تضرك على كرش فارغة...
سفيان:لا مانيش قادر غير كاس قهوة خلاص... شكون يقدر ياكل درك...
جوجيتا:معليه براحتك... شوي ويكون عندك انت ارتاح شوي...
سفيان:وبانادول معاك نسيت ماقتلكش عليها...
جوجيتا:ضارك بزاف...
سفيان:لدرجة مانيش قادرنحكي ولا نسمع ولا كلمة....
جوجيتا:اااا سامحني وانا نصدع فيك...
سفيان:تء انت روح مستحيل تصدعيني...كونك هانية
جوجيتا:هههه فاقو... اني جبدتلك قشك بدل مابين ماجيت...اوكي
سفيان:ايه يعطيك الصحة...
