🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 27
سلمى: اجري ياطفلة راح الحال... خفي روحك
ياسمين: اصبري دقيقة نلبس سباط نخرج بلحفاء ولا ....
سلمى: حتى هو تلفون ساعة وهو يصوني وحنا تقول مواتة
ياسمين: هاه كملت اقفلي الباب... نلبس فاست فدروج عادي...
سلمى: هزبتي تلفونك ولا نسيتيه...
ياسمين: اصبري دقيقة... ااااا بانتلي نسيتو لالا هاو لهنا...
سلمى: ههههه والله تقول مهابل وهربو من سبيطار ههههه... شوفي شعرك تقول غولة...
ياسمين: تضحكي عليا ك*لبة دوك نمشطو فطموبيل عادي...
سلمى: ايه عادي.. هههه اجري قدامي اجري...(هبطو يجرو فدروج ) وصلو بحدا طموبيل يلهتو تقول ولاد صغار... وقفو بحداها يردو فنفس...ياسمين: نسقسيك سلمووشحنا علاه نجرو...
سلمى: باينة راح الحال وميس وسام تفيق بينا تعاقبنا بڨارد... اااا
ياسمين: اااا وش هههه... ميس وسام وين اه
سلمى: ايهااااا فاتنني راك انت في بلاصتها لنيابة... يعني ويام لاتوجد... هههههه وحنا علاه نجرو...
ياسمين ترد في نفس وتضحك: لانو غبيات بكل للكملة من معنى يا محاينك هههه... اطلعي اطلعي تهدت ڨلوبنا في باطل ربي...
سلمى: ااااه يايما قلبي راح يحبس...(ركبو فطموبيل كملت تحكي ) مليح عملنا سبور هههه... عندنا ياسر ماجريناش
ياسمين: على اساس ناقصين سبور ايا قلعي برك حتى فطور مافطرناش
سلمى: ماتخميش فطيمة تلقاي عندها فطور وغداء وعشاء لا حب ربي هههه
ياسمين:اخطي طفلة حرام عليك...
سلمى:امهم خلاص سكت...
ياسمين: سلمى طموببل تاعي مزالها عند مكانسيان مالقيتش وقت نجيبها...
سلمى: وعلاه ماتقوليلهمش يجيبهولك باك نورمال وخلصيهم بزيادة...
ياسمين: قراج على قد حالو حطاتو تع مسلسلات يصلحوها ويبعتوهالهم لدار نحن في الجزائر حبيبتي...
سلمى: شوفي معاهم بالاك يهديهم ربي... ماتدري
ياسمين: إن شاءلله من بعد نعيطل لمول ڨاراج درك راح الحال ... حتى لمبات الايام هذو نخدم قارد وخلاص حتى نلقى دار...
سلمى: علاه مش راجعة لدار عند خوك؟...
ياسمين: تحكي صح هذا كل ونرجع عندو مستحيل...
سلمى: اقعدي معايا حتى وين تكري على روحك مع انها مش ساهل لحكاية مرأة وحدها فدار تجيب غير لهدرة...
ياسمين: مايمهمنيش الهدرة فيها فيها...
سلمى: وراح تنسي حقك فدار...
ياسمين: شكون قالك هههه غير حقي مانسبلش فيه.... نفرغ برك ونحط قضية تحايل ههه...
سلمى: منك بصح...(قص عليهم تلفون فاطيمة...هزاتو توريلها فيه ياسمين..)
ياسمين: فاطيمة اصبري نهز... الو وي فاتي لباس... وصلنا خلاص رانا بحدا سبيطار.. اممم باهي صحا بسلامة...
سلمى: توحشتنا ههههه...
ياسمين: اقعدي تشايخي علاه طفلة...
سلمى: قصدك مرأة على شكل برميل هههه
ياسمين: ههههه حرام عليك
