🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 68:
هازة سنية نتع تاي حطتها قدامو... بعدها صبتلو كاس عطاتهولو وقعدت بحداه ركشت... حاط pc في حجرو...
سلمى:مش ياسر الخدمةفي شريكو وهنا...راك تغيب بسمانة وتزيد تجي تغطس هنا...
يخدم ويحكي
محمد:ايمايل مهم لازم نبعتو...ودوك نفرغ لروحي...
سلمى:ساعة ونسمع في نفس لحكاية...
قفل pc حطو على طابلة وجبدها ليه...
محمد:عندها الحق مريتي لعسل مرجتك بلخدمة...امهم وش تحبي نعملو....
سلمى:امممم كون نقلك حاجةماتتغشش...
محمد:وعلاه نتغشش قولي برك...
يلمى:وقتاه تخمم نجيبو بيبي...الوقت يفوت وانت دايما ماكانش على الاقل نلتى فيه...
محمد:وانا اممم
سلمى:كفاه انت؟ مافهمتش...
محمد: نجيب طفل ومانحضرش وقت يطلع سنيه وقت يحبي وقت يكبر وقت يقول بابا...كفاه تحبي تعيشي دور وحدك...حطاتو ياهل لدرجة هذي...
سلمى:ماقلتش ساهلة...اما راني قاعدة نكبر وانت تكبر...وقتاه نجيبو كما نشيبو ويطيحو سنينا...
محمد:ههههه مليحة يطيحو سنينا ولدنا لتم يطلع سنين ههههه
سلمى:تضحك مابردك...انا نوض احسنلي...
محمد:ارواحي لهنا وين رايحة... الغش محصور في خشمك...شوفي عندي سفرة مدة شهر...قلت لا تقدري تدي كونجي وتروحي معايا...منها نحوسو ومنها نحاولو نجببو بيبي...
سلمى:ااااه
محمد:وش الي ااااااه...ماعجبكش اقتراح هذا ثاني...
سلمى:يعني انت قبلتي صح ولا انا غالطة...
محمد:وي تحبي نبدل راي مكانش مشكل...
سلمى:احلف...
محمد:علاه نحلف ابنتي...
سلمى:بصح كفاه نعمل للخدمة انا...
محمد:عادي كونجي صون صولد وهي معديا ههه
سلمى:احاااااي على راجلي زين...هات نبوسك...هههه مانيش مأمنة صح...راح يكون عندي ولد...
محمد:نوضي نوضي بلا هبالك...ارواحي لهنا نسحقك...
سلمى:ااااا لا مانجيش ههههه احكمني لا قدرتي...
