المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 141:
من وقت خرجت من عندهم وانا عقلي يخمم... ما زال مانيش متأكد من الخطوة الي عملتها... طفلة زينة صح عاقلة وحشامة وي... اما خايف انا من قلبي راح نقدر نخليه ليها ولا راح يبقى ملك للحبيتها الاولى... مزال ماخرجتش من قلبي اما... عقلي حكم على 7لاقتنا بلاعدام... نتمنى ماتتأثرش بلحكاية تاعي وتشوف قرايتها وحياتها... كما انا راح نشوفها من غير... كما يقولو أنا اريد وانت تريد والله يفعل مايريد...فقت من غبرتي وقت حليمة سقساتني...
حليمة: عجباتك طفلة...
ايمن: عادي وش راح يخصها...
حليمة: زين هذاك كامل وعادي...
ايمن: حلومة مايهمنيش في زين تهمني اصلها وتربيتها... وقت تكون زينة وهي ترد لكلمة بعشرة وش ندير بيها...
حليمة: طفلة عاقلة من تهدر معاها وجها يحمار كما طماطم...
ايمن: إن شاءالله هذا الي نتمناه... نخلوها للوقت يبين كل شيء...
حليمة: إن شاء الله اسيدي...؟ بتي رقمها باه تحكو وتتعرفو...
عقد حواجبو شاف معاها من بعد رجع شاف مع طريق: كفاه نجيب رقمها وانا مزال مانكونلها شيء... وزيد قدام خوها نقىها اعطيني رقمك نحكي معاك... رجلة هذي ولا...
حليمة: وين نعرف انا... مهم ربي يكملك على خير انشاء... وانا من غدوة نهبط نشري لزوم فاتحة تاعك...
ايمن: زاربة نشوف فيك...(ڨارا طموبيل بحذا باب دار )... من غير زغاريت اني نعرفك...
حليمة: علاه ابابا سيدي نسرقو حنا ولا...(وهبط من طموبيل بلخف وصلت قدام الباب وحربتها بزغاريت...خلاتو يقلب في راسو )
ايمن؛: تعملي غير في رايك...
حليمة: خلي الي ماسمعش يسمع...
دور راسو حتى يقابلو معتز متبسم ومعاه سولا: ماتقليش خلاص راح تدخل قفص ذهبي...
هبط راسو من بعد طلعو يمسح على لحيتو: لا كتب ربي
تمشات سولا من غير ما توقف وتستنى خوها تسمع فؤه ودمعتها على شافر عينيها غصتها واحلة... خلاتهم يشوفو معاها ومع ردت فعلها... حتى من حليمة الي علبالها بلحكاية غاضتها... اما هذا هو #المكتوب
معتز: ايا بالبراكة اصحبة... ماتنساناش في باروك...
حليمة: هههه هذاك عليا كونك متهني...
ايمن: ماوالك هنا مادخلتيش؟
حليمة: هاني داخلة اسيدي...
ايمن: اليوم غير شوفة برك...
معتز: وعجابتك حكيتي معاها؟
ايمن: وي حكيت معاها...
معتز: مالا تفهمتو صاي من زغاريت حليمة باينة...
ايمن: اممم حكيت معاها غير لازم مهم جمعة جاية راح ندير فاتحة
معتز: هههه ماتقليش طحتي من اول نظرة...
ايمن: من اول ###... هبلت تسما انا... نحبها تكون حلالي حتى ووقت نحكي معاهاولا نكون مهني في راسي... تعرفني ماعنديش مع لعب نتع زنق ولا تمسخير... قالك الحلال بين والحرام بين... ومادام قررت نزوج نبدأ علاقتي في لحلال...
معتز: غلبتني فيها هذي... مهم انا أحسبني في الباروك وخلاص ...
ايمن: ايا باهي... مهم صحبة نفرز اموري و نريڨلك ان شاءلله...
معتز: هيا مريقلة... وبلبراكة مرة خلاف...
ايمن: يبارك فيك ليزوم...
