🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 45:
وصل وين بعتلو لبلاصة..طموبيل مفتوحة وهو متكي عليها فيدو ڨارو دخان فيدو ... عقد حاجبو فيه من وقتاه دخان... ڨارا بحداه قدقد جبد لمفتاح هبطلو...
أيمن: صحا رجلة... ونحالو لڨارو من فمو طيشو وعفس عليه
حمزة: وشمن رجلة يارحم بابك...
وقف ايمن بحداه يشوف قدامو ماحكى حتى حرف مدة بعدها نطق...
أيمن:من وقتاه دخان يفرز المشاكل...ياك تفاهمنا مايدخلش لفمنا...
حمزة:ههههه هذاك الحل الي لقيتو قلت ممكن يطفي نار الي شاعلة هنا (وشاور على قلبو )
ايمن:اروى نظن؟
حمزة:وشكون غيرها...
أيمن:وش خصها ثاني...
حمزة:خوك مبعر بغل بوراقي تاعو تخون فيا مع ذكر اخر وانا طايح لوف فيها...
ايمن:متاكد حمزة لا تظلم بنت ناس...
حمزة:هههه نتمنى نكون نحلم ولا انا ظالمها...وش نحكيلك وش نخليلك...طفلة ماترياليست... طفلة ظهرت تحب المادة...وانا تراس ليل ونهار معمرتلهاش يديها (عدل وقفت يضرب فرود نتع طموبيل برجليه )
ايمن:كفاااه وانت وين عرفتي؟
حمزة: ااااااااااااا راح نهبل( زاد ضرب رجليه مرة خلاف حتى وجعاتو)...بعدها ولا رايح جاي ... لبارح جبت تلفونها لدار حبيت نعرف وش عاملة من ورايا... قلت نعرف علاه دايما اوكيبي..
ايمن:هاه
حمزة:لقيت تلفون نظيف توسوست كفاه فيس مش فاتحاتو لتم...حتى صور مكاين حتى صورة...قلت ممكن ظلمتها...صدفة ليمساج ندخل نلقاها تحكي مع وحدة صحبتها ولا مانعرف عاطيتها رقم...هههه طلبتو وياريت ماطلبتو...اول شيء قالو وهو ينك من بقيل نستنى فيك الحب...هههههه تشوكيت مأمنتش كوبيت عليه حبيت نوصل لطرف الخيط... حطيت ابليكاسيون الي ترجع صور.وعينك ما تشوف الا نور... صورها اشكال والوان...وصورها مع واحد وسط طموبيل...مهم الله لايشوفك... شوف ال### (يوريلو في صورها...بعدها هزو ورماه.. يعفس عليه وكانو يستخايل فيها هي الي تحتو ) حبيت نخرج وقتها ونعطاها تراحت الموت... حبيت نقتلها... اما قلت خلي نزيد نشوف وين واصلة عولتلها على قتلة ماتنساهاش عمرها الكل
أيمن:هذا الكل يطلع منها طفلة هذيك...من دايما مانحبهاش ومنرتحلهاش...
حمزة:ايه يا صحبة راسي راسي (يضرب فيه بين يديه ) راح يحبس... هههه خلي نكملك لخرة نحبسلك ببها راسك خوك ط*حان ...لقاها صباح هابطة من طموبيل كانت مع واحد يتمعشقو ههههه.... شفتها بعيني وهي تبوس فيه
أيمن: كانت باينة تخلاص كما هك...
حمزة:حشات*هالي بنت الك*لب وحدة قدصبعي داتي وجابتني...خدمت تراس عند ناس غير في جالها باه تكون حلالي ومايخصها شيء...في لاخير 🤬 غدرتني...لدرك اماقدرتش نقبلها ولا نتقبلها...(ناض يعيط ويضرب على صدرو تريكو قريب يقطعو )...كون قتلتها لتم يارب لعالي علاه ماعملتهاش طحنت اخر عمري
ايمن: علاه تضربها... هبلت تحط يدك على لخماج توسخ روحك اااا... خمم بعقلك مش طحين ... رجلة مش في انك تضربها ياراجل... علاه كما تضربها راح تتحل لامور... خمم فيها وعلاه ماتقولش انو فيهاخير ربي هناك منها...انت من دايما نقلك اخطيك اراجل شيء هذا مش تاعنا...اخطيك طفلة مزالها صغيرة وطايشة...هاي عملتها بيك 🤬
حمزة:نستاهل نعرف الي يبدا بلحرام تخلاص فلحرام...خلي نخلص حق عملتي...(عينبه حمرة جمرة دموعو محصورة غايضتو عمرو...فرشة الي تفرشها مش قادر يقبلها )
ايمن ضربلو على كتفو : ان شاء تكون درس وتعلمتي منو ...ولكان عليها من غدوة تشاور تجيب لمخيرة لدارك... انت غير انوي
حمزة:تكويت وتشويت عمري عدت نعاودها...جمرة في قلبي مزالها شاعلة وعمرها تطفى...واه من قهر الي تقهرتو ...قعدتلي وشمة عمرها لا تتفسخ... والي خلقني قلبي قفلتو بلمفتاح وطيشتو... ماعادت طبحني بنت امها غير فلحلال...
