🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 59
في رواق نتع سبيطار ظلمة ضوء خفيف واقف مقابل لحيط يضرب في راسو عليه...يحس في قلبو صخرة بين ضلوعو مش قادر على حملها... اكثر من 4 سوايع واحد لا خرج خبرهم ولا هنا قلوبهم...
امو وردة قاعدة على لكرسي في حضنها سلسبيل تبكي وهي هذيك لمرأة صنديدة كبدتها لداخل ومستقوية على روحها تمسح على ضهر بنتها وعقلها خدام وقلبها يعلم بيه غير ربي
معتز يمشي ويجي دموع سبالة لا حبو يحبسو ماقدرش يتحكم فيهم ولا يتحكم في عصابو من يعدي عليه فرملي يسقسيه مايجاوبوش يعمل عركة سبيطار قلبو على روسهم وهك ما بردش...
نروحو لبوجمعة باباهم الي جمرة شاعلة فيه حاط راسو بين يديه لخبر طاح عليه... مافهم والو ولدو خرج يلعب يعيطولو يقلولو اجري ولدك فسبيطار... طلع راسو وقت تحل لباب وخرجت طبيبة... وجها اصفر راسمة تبسيمة صفرة ماتبشرش بلخير...ناضو يجرو تلمو بيها
وردة:ولدي
ياسمين: عملت الي نقدر عليه... ادعولو والباقي على ربي
حمزة:وضعو كفاه...(حطت وردة يدها على صدرها بوجمعة قعد على لكرسي فاشل )
ياسمين:مانحبش نخلعكم اما في غيبوبة العوامل الحيوية نتاعو ماتبشرش بلخير...
حمزة:كون نديها لسبيطار بريفي بالك كاين امل...
ياسمين:ماعندك علاه تنقل فيه...بريفي مايعملولو والو غير تخسر دراهمك...وزيد الوضع نتاعو مايسمحش انو يتنقل لسبيطار اخر...
معتز قرب لطبيبة يعيط:وانت علاه قريتي ااااه كما تلقيش حل علاه قريت وجاية تخدمي (خلعها خلاه ترجع لوراء وخوه حكمو يجبد فيه )
ياسمين:الي نقدر عليه عملتو هذي مش حكاية قراية حكاية وقت و#مكتوب
حمزة: سامحينا حكيمة امسحيها فيا غير متقلق... راك تشوفي فلوضع
ياسمين: نعرف مراعية ضروفكم اما هك ماراح يتغير شيء من غير انكم تدعولو ربي يشفيه...
وردة: ربي يحفضك بنتي اما حاولو معاها... راه لغالي هذاك...
ياسمين قربتلها طبطبت على كتافها تحكي: انا هنا مانخليهش دقيقة والي عليا نعملو وبزيادة ماتخميش خالتي
وردة: يعيشك بنتي (وراحت قعدت هايمة سارحة...)
جات رايحة لحقها يجري ماشي ويحكي معاها
حمزة:كاين امل حكيمة
ياسمين:مانقدر نقلك حتى حاجة غير وجدو رواحكم للاحتاملات لكل (ومشات خلاتو واقف مصدوم )
يشوف مع خيالها واخر كلمات قالتهم... جاه خوه بين عينيه لبارح يضحك بين يديه.. واليوم ربي هو العالم بيه... يمشي هايم سرحان ماعلباوش وين يروح ولا وانا طريق يمشيها...
