المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 146:
فات هذاك اليوم ووراه يوم اخر مكان حتى جديد كل واحد فيهم يجري وراء حياتو... اليوم لأحد هذاتعدى لقرايتو وهذا لخدمتو... وهذا قاعد في دار
في دارالياس...
واقف في كوزينة يستنى وقتاه تطلع قهوة ويديها... تلفون في يدو طالع هابط في انستا... مافاقش حتى كفاه قهوة طلعت ... طفىء على نار يحوس على حاجة يهزها بيها وهي عيطت...
نورا: الياس وين القهوة شبيك لدرك...
الياس: هاني جاي اصبري شوي...
نورا: من نضت وانا دايخة ماقدرتش والله... تعبني لوحم هذا...
الياس: صبر هما 3 شهر ويفوتو وترجعي عادي... ياك يقولو لوحم يبقى غير ربع شهر...
نورا: ان شاء الله ... اما كاين الي يبقى معاهم حتى يولدو... المهم قولي قداه ساعة درك
الياس: اااام اي 10ونص نظن... اصبري نشوف (هنا دق الباب اكثر من مرة...شافو مع بعضاهم )
نورا: شكون زعمة في الوقت هذا... مكان حتى واحد يجينا... غير لا ظهرت ختك لفعة...
الياس: اصبري نشوف شكون... ونجيك اختي ما نضنش تجي وقت هذا تكون تخدم ...
ناض يزرب في خطواتو وصل بحدا لباب دور المفتاح حلو... حتى يقابلو راجل نص عمر...
الياس: تفضل...
###: جاك اشعار من محكمة...
عقد حواجبو يحكي: ليا انا؟... بخصوص وش...
###: والله ماعلبالي انا عليا نوصلهولك وتمضيلي... وهنا تحبس مهمتي...
وقعلو على ورقة الاستلام وقفل الباب دخل حل ظرف يقرا فيه حتى وصل وين قرا اسمو اختو تصدم... ماكانش متوقعها... قعد يثبت ويعاود... كل مرة يقرا يقول لا انا غالط مستحيل تعملها... ماشي وعينيه على لورق... حتى وصل عندها...
نورا: شكون الي جاء وش هذا الي في يدك...
قعد في لكرسي وعطاها الورقة تقرا... حتى ناضت تعيط...
نورا: شفتيييي الياس شفتي كفاه عملتها الك*لبة ...شفتي اختك الي تقول عليها ربايت يديك...هاي شكات بيك اراجل...وقت نحكي علاها تقولي فكك منها اي تع غير هدرة وفي لاخير هاي ظهرت تطبق..قتلك افعى راك غالط فيها... ودرك شوف كفاااه راح تحلها يا سي الياس.. راهي حطتنا في شرع... مش لعب
الياس: وانا وين علبالي بجدها راح تحطني اااه... مسح على وجهو بعدها وقف... اليوم والله لا فوتهالها غير قاتلها بين يديا ولا مانتسماش... تحطني انا في شرع... ولات تخدم في مخها معايا... نشوف شكون الي يربح انا ولا خشونية راسها...
نورا: ايه هذا هو صح هلا حاب تسكتلها... لازم تحبك عليها باه تتنازل...مانحبكش تروح حتى تفرز امورك معاها وتجيب تنازل على القضية راهي مباصية...
الياس: انا ندبر راسي... ماتكسريش راسك... وتولهي بروحك وبطفل... ياسمين حكايتها ساهلة... ايا نخليك من بعد صحا....
هز مفاتح نتع طموبيل... خرج قفل وراه الباب... وقلع طول لعندعا يتوعد فيها اليوم نهار مايفوتش....
