💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 130:
في زنقة صرافة...
هبط من طموبيل نتاعو... واقف يتكيف في ڨارو مدرح بعدما عطاه طرف... قاعد يستنى في سلعة جديدة الي قالو عليها شوي وتجي... مرة هذي جاء مع زوج ولاد اخرين... مبدل طموبيل مش نفس الي ضرب بيها معتصم مرة الي فاتت حط كاسكات على راسو وفوقها chapeau نتع لا Veste يحب يخبي روحو ماعلبالوش بالي لعب مع ديابة .... مرة على مرة يعدلها ويشوف في جوايه الكل حتى فد كاره...
###: هااااي Jeune وقتاه ينوب ربي...
&&&&: اصبر شويا صاحبي شغل لمليح يطول...
###: مازال طول خلي نروح عندي مانقضي...
معتز يحكي...
من وصلني ميساج... حكمت طاكسي وطلعت نجري للحومة... سيد قريب يهبطني من كثر ماقتلو ازرب لازم نوصل فيسع... عاصرت على قبضة يدي قاعد نتحكم في اعصابي مخليهم حتى نحكمو نفرغ فيه غشي....وصلت للحومة خلصت سيد وهبطت نجري ... طالع لزنقة مهم نوصل ونحكمو.... شفت واحد واقف مع الي موصيه... غمزتو من بعيد اشارة باه يعطيني الي موصيه عليه... انا وصلت وهو جبدلي 40 (بوشية ) عطاهالي حطيتهالو في جنبو من لوراء بيد واليد لخرى حكمتو بيها من chapeau جبدتو منها... نحكي ونرص على سنيا...
معتز: علبالك انا شكون يا ولد #### ااااه...
###: 🤬🤬🤬سيب... تحساب دنيا هاملة... سيب ا###
معتز: نسيب اااه علاه وقت ضربتي خويا وهربتي ماخممتيش فيها بالي وراه رجال ممكن ياكلولك طرف من كبدة تاعد ا ###
واحد من صحاب حتى هو ذيبلو وجاه من لوراء حطلو الموس في رقبتو يحكي...
****: وين حاط روحك اسي ### سايبة هي ولا كفاه نحي بوشية ترا كما لفحل ولا ### ندغرك في نص رقيتك يا ###...
&&&&جبد حتى هو واحد 36 يلوح ببه على وجوهم مهما يكون ولد حومتو الي محطوط في نص... يحاول يدافع عليه... حتى سمع صوت سفيان الي جاي يجري من لهيه وبدخل في واحد فيهم بدماغ... وتخلطت الحالة ضرب في كل بلاصة... سبان ناس تلمت كاين الي يتفرج وكاين الي يصور... واحد لاقدم ولا حوس يدخل كل هذا خايف على روحو لا تجي فيه ضربة الموس... تشوف غير في خيال نتاعو كفاه يتحرك بيناتهم... سفيان عامل جهدو باه صاحبو مايتقاصش... اما جات الغدرة وعدات بوشية على يديه قاصت vesteوتعدات في طويل؟ رحاتو حتى دموماتو ولات تقطر حاكمها بيد واليد لخرى تجبد في معتز حاميلو ظهرو...
حمزة يحكي...
طريق حارقها ماني شافي على حتى شيء من غير اني حاب نوصل قبل لا يعمل هذا ### كارثة ونروحو فيها كل في جرتهم... كل مرة تجيني حكاية في مخي وش يكون راح يعمل... انا وصلت لاحومة وين زنقة صرافة حتى يقابلوني ناس ملمومة العياط والحس... بعدتهم دخل في وسطهم تخلعت داخلين في بعضاهم بلموس كل هذا جايب من عندو... مالقيت حل غير انو نرجع نجيب كريموجان هو الي يفضها... وهذاك كان الحال رجعت جبتها ودخلت وسطهم ضربت زوج ولا ثلاث ضربات مهم ضربت حتى شفتهم كل واحد حاكم عينيه وبعد على خوه... حتى من ناس بعدوجبدت خويا من كول نتع تريكو ودخلت فيه بدماغ... ورجعت نشوف مع سوفي كفاه دمو يجري غابتلي وش نعمل... ولا كفاه نتصرف... هدوك لكلاب ركبو طموبيل وعطاو ريح... اما حكمت رقمها في راسي.. جايهم حسابهم مادام جاو برجليهم... عاونت سوفي بشوية وطلعتو في طموبيل... وشفت مع معتز الي مزالو عينيه يحرقو فيه... جبدتو حتى هو من قشو ودخلتو لطموبيل نسب فيه ### اليوم نهار اكحل ونكحلو عليه حاط روحو باربو نتع لحومة وهو ريح في شباح داخل لحرب من غير سلاح ل###....
