🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي:زينب 🖋
حلقة 37:
سلمى: وش قالك؟
ياسمين: قالي اوكي دوك نبعتلو لادراس...
فاطيمة: تهنيتي والله خير من شقوة...
ياسمين: يقلك ربي مع لمليح يدبر...
تحل لباب
خديجة: ياسمين حوك يحوس عليك...
ياسمين: حسبي الله ونعم الوكيل... علاه لاحقني لهنا ثاني...
سلمى: بلعقل برك بالاك نادم ولا شوف معاه صح
فاطيمة: وهذاك يندم هذاك... كون مايكونش جاي يعمل مشكل مانسماش فاتي...
سلمى: تسمى انت ماتهدريش هدرت خير... تعرفي تزيدي تشعلي نار 🔥
فاتي: انت تقول نحكي في حاجة الغالطة...
ياسمين: انا نروح نشوف وش يحب ماتروحوش حتى نرجع...(وقف خارجة)
ماشيا في لكلوار تشوف معاه واقف مربع يديه...قربت بحداه
ياسمين:خير...
الياس:وين رحتي لبارح علاه ماروحتيش لدار...
ياسمين:محسوب نهم...وش تحتاج خلي نروح على روحي...
الياس:بانتلي هبلتي وتسيبتي...امشي تروحي معايا يالا...
ياسمين: علاه باه تكمل الي بديتو...ولا مرتك مالقاتش الي يخدم عليها...
الياس قربلها حكمها من دراعها يرص عليه: ماتختبريش صبري يالا معايا لدار...ماتلمك غير دارك...
ياسمين: قصدك الدار الي غدرتني فيها خويا...
الياس:علاه دايما تحكي بزاااف وانت فلخر راح تعملي وش نقول ...
ياسمين:هههه هذيك بكري..ودرك روح لصفراءتاعك بالاك تخاف وحدها...انا هنا مرأة بعشر رجال..
الياس: باينة عليك صح.. مانبقاش نهدر البسي قشك ويالا...
ياسمين: قتلك لا مانيش رايحة معاك يزيني من ذل الي عشت فيه قبل...
الياس: اعملي في حسابك ماتروحيش اليوم الدار هذيك انسايها...
ياسمين: محسوب مانسيتهاش... ياك نسيتها هذاك العام... خلاص فاض الكيل ودرك نقلك سلام... وتمشات بخطوات ثابتة وواثقة من روحها... راجعة لسرفيس وين لبنات...
~~~~~~~~
سفيان: ياك قلت وعلاه اا وصلها انت اسيدي...
حمزة: شكون الي يوصلها من نيتك ولا؟ اني خدام غدوة
ايمن: ايه صح خدامين غدوة.. مكانش كفااه...
سفيان: والحل درك حتى انا مزبلها مع لمرأة... والڨاراجما نقدرش نقفلو...
حمزة: نقلك هاو معتز فارغ شغل علاه ماتقلوش يوصلها...
ايمن: والله صح.. معتز يفرزك...
سفيان: عيطلو عيطلو يجي نشوف معاه ...
حمزة: اني مروحة دوك نقلو يفوت عليك غدوة...
سفيان:انا نروح نشري شيختي...ونروح لمرأة وحدها...
ايمن:تسمى مش راح يهديك ربي... اديني فطريقك حمزة حتى انا نروح ...(وقفو توادعو وكل واحد قاصد دارو...)
