🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 77:
سعيدة: هاااي وينك...
مسحت يديها ودخلت لعندها تجري: انعم يما...
سعيدة: شوف كفااه مزالت تقولي يما... دور براءة والله ماتلعبيهش عليا...
قعد جومانة مصغرة عينيها فيها: اممم وش تحبي نقلك مالا...
سعيدة: ماتقوليش خلاص..
جوجيتا: اممم مليح من وهك ماعدتش نعيطلك... مادام يما مش عاجبك...
سعيدة: غمة... نستيني علاه عيطلك...
وقفت رايحة: كما تتفكري قوليلي عندي خدمة وخارجة من بعد مانقدرش نستناك حتى تتفكري...
سعيدة: اييييه طول لسانك ورجليك... وين رايحة بلا ماتشاوري اااه...
جوجيتا: شاورت ولدك يكفي قبل نخرج علاه نشاورك..
سعيدة: وقضية نتع دار شكون يكملهها...
جوجيتا: كملت كلش حتى لغداء قريب يطيب... ماعليك غير طفي عليه... وكما نروح نكمل الباقي...
سعيدة: اووواه مكانش خرجة حتى يكمل كلش...
جوجيتا: والله تخنقت من اوامرك زايدة نقول دوك توالفني وتخلاص اوامرك وتحطيني كما بنتك... اما نشوف في العكس غير اوامر وتشراط تقول جبتي بونيشة لدار مش كنة...
سعيدة: تحلمي نحطك كنتي... الي كنت حابة نجيبها ولدي عكسي وهبل باه يديك... مع انو حايرة وش الي عجبو فيك لا قد ولا زي وزيد لكسر ولحصر...
جوجيتا: مادام عاجبة ولدك هذي الفايدة... وانت ربي يهديك... يجي نهار وتعرفي قيمتي... راحت وخلاتها
سعيدة: دهبة تدهبك إن شاءلله تخرجي ماترجعي... حاطة في روحك حاجة تقول منين جاية ...
تسمع فيها وقلبها يوجع قفلت باب ببتها تكات عليه ترد في نفس حالة قاعدة وتزيد... تمشات للمراية تشوف مع روحها وتسقي...
جوجيتا: وش الي فيا مايعجبش... علاه مش قابلتني... علاه كل مرة نسمع وسخ وذني ونسكت... في دار يما عمري هزيت حاجة من الارض... معززة مقدرة... جيت لذل والسبان ودعاوي شر... حلت لخزانة خرجت قشها تخير وش تلبس حتى تلفونها صونا... تمشي وتكركر في رجليها فاشلة تشوف شكون.. تبسمت وقت شافت رقمو هزت...
جوجيتا راجلي...
سفيان: روح وش حوالك...
جوجيتا: لباس الحمدلله... اني نوجد في روحي... باه مانطولش عليك وتبقى تستنى...
سفيان: مزال الحال هذا وين 10ونص...
جوجيتا: هذاك هو برك نحب نخرج بكري ونروح بكري...
سفيان: ماتفاهمناش هك صباح لا؟
جوجيتا: في خاطري والله تغميت وزيد نلحقو على زيارة نتع معتصم...
سفيان: علاه تروحي لمعتصم لحالة مخلطة لتم...
جوجيتا: لازم حبي تعرف الواجب واجب وانا وليت وحدة من بنات الحومة الي يقيسكم يقيسني...
سفيان: مانعرف من لوقتها ونشوف
جوجيتا: يخليلي حبيبي وروحي انا.. الي مايعكسنيش...
سفيان: ههه احشي*لي هكاك... ايا قصي خلي نعيط لحمزة نشوف الوضع...
جوجيتا: اوكي وطمني معاك...
سفيان: مريڨلة بسلامة...
جوجيتا: بسلامة....
