المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 88:
واقفة تلم في حوايجها... فض وقت الخدمة... هزت صاكها والمفتاح... وصلت للباب تفكرت تلفون... حلت صاك تحوس عليه مالقاتوش... رجعت للبيرو شافت منا ومن مابانش... هزت تلفون نتع خدمة حطت رقمها تستنى يصوني... حتى سمعت صوت فيبرار دغرت تشوف وين... ختى بانلها ضوء شاعل من طبلية.. نفخت كارهة جبدتو في يديها... وخرجت من بيرو لعند سلمى... طبطبت ودخلت...
ياسمين: حبي اني خارجة عندي طريق...
سلمى: وين بيها ياك تفاهمنا تباتي معايا...
ياسمين: نو وقتاه تفاهمنا... والله سلموش خليني براحتي... درك مزروبة من بعد ونحكو اوكي...
سلمى: ياطفلة علاه تعملي هك... اصبري نكمل الي في يدي ونحكو...
ياسمين: من بعد والله واقفة بسيف.. متتغشش مني زين....
سلمى: روحي برك تغششت وخلصت...
قفلت الباب ماشيا في لكلوار تلفون في يديها ترددت اكثر من مرة بعدها حطت رقمو....
~~~~~~~
راقد فوق فوتاي نتع صالة حاط يديه على عينيه... ريحتها مزالها في خشمو من وقت ماطلعت معاه في طموبيل... عينيها لمنفخين قريب يتقفلو الي كل مرة يضرب عليه طلة في لمراية الي قدامو... خشمها الاحمر لمكعبر ولا دمعتها الي ماحبستهش...صورتها الي تحفرت وهي واقفة تشوف معاه تلوم فيه بنظرات كلها قهر وخوف وحيرة ولوم...عتاب بلغة لعينين اصعب من انو قلبك يتهنى بكلمات ولا حتى مبررات احساسو بالذنب والقهر قاتلو... تمنى لو قدر يحكي معاها ولا حتى يطلبها من دارهم تكون حلالو ولا يخليها في حيرة تايهة... خصوصا وقت شافاتو مع وحدة اخرى وهو ماعندوش ذنب... بعد يديه وقت حطت يديها على شعرو تحكي...
حليمة: شبيه بابا تقول جبل دنيا الكل فوق راسو...
أيمن: اااااه ياحليمة... صعبت عليا لحكاية وفلتت من يدي...
حليمة: انساها وليدي... ماهياش تاعك امها مستحيل تمدهالك...
ايمن: نعرف حلومة والله نعرف... ههه كي عدت يتيم مستحيل تمدها لولد حرام...
حليمة: مشك ولد حرام... ماعدتش تقول هك... الف وحدة تتمناك...
قعد مقابلها يشوف معاها ودموع محصورة في عينيه: بصح انا قلبي حبها هي وعيني تعلقت بيها هي... تفوت عليا الف مرأة في نهار مانشوف فيها غير صورتها... تمنيتها حلالي ووسط داري... تمنيت نخرجها من دارها عروسة... اما #المكتوب مامنو مهروب...
حليمة: علاه عليك وليدي تطيب في قلبك على نار باردة... انسى واخطاك...
أيمن: ماقدرتش نحب نهج منا نحب نروح بلاصة خلاف... وقت نشوفها نشوف صاحبي قدام عيني...
حليمة: تحب نقلو ايمن راحتك هي الكل... مانقدرش نشوف ولدي مقهور ونقعد نتفرج...
ايمن: نقلو!!!!!...
