💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 127:
ياسمين تحكي...
فرحت وقت عيطت لحمزة وماطيشنيش ولا قالي خلي نبعتلك رقم وانت دبري راسك... قليل وين تلقي واحد يوقف معاك من ذون مقابل ولا حتى يكون يعرفك... شفت مع ساعة ... اليوم نهار نتع راحة تاعي... تفكرت هذيك بهلولة نتع سلمى الي قاعدة في دار متخبية مافهمتش علاه... طلعت في طموبيل... اليوم نحس في روحي مرتاااحة وكاني راح نولد من جديد... قدرت واخيرا نحط حد للخوف الي كان متملكني... رسمت خطوط جديدة لطريق الي راح نمشاها... ماعدتش نخمم في حتى حاجة من غير مصلحتي وراحتي انا وبس... الباقي ارمي في لابوبال( كما يقول صديقنا كلمة مشهور بيها وانا حبيت نحطها هههه لانها صح معبرة على حالتها )... فتحت طاقة نسمة باردة ضربت في وجهي خلات خشمي يوجعني اما وجع بنين... يخليك تحس بالحيوية... حاطة غناء وندندن معاه حتى وصلت وين ساكنة سلمى... جبدت لفران وخرجت المفتاح قفلتها وتاكدت انها مقفولة هزيت راسي لدارها بعدها جبدت نفس... تمشيت طالعة في لمصعد... انا خرجت حتى نلقى سي الهم نتع راجلها في وجهي... حسيت وكانو شاف شيطان قدامو خلاني نتبسم تبسيمة نتع شر... وفت عليه من غير مانحكي معاه... حتى وقفني بهدرتو المرزية...
محمد: انصحي صاحبك قلو يبعد عليا وعلى مرتي والا والله يشوف وجهي ثاني...
درتلو مع نص تبسيمة: هههه جاء الي خلاك تترعب...؟ هاااا جاء الي يفضح لعبك... تحساب انا الي الي خفت على صاحبتي.. اممم تعرف وش اوسخ واحد عرفتو في حياتي هو انت ومانظنش راح نشوف... وهذيك المغبونة الي راهي تبكي من وقت جاءاسامة خايفة تخسرك... نقلك ان شاء الله تخسرك لانو انت واحد اناني وحباب صلاحك...وكي عدت راجل وتعرف تهدد روح واجهو مش تتخبى وراء ظل مرأة... جاي حاب انا الي نوقفو عند حدو وانت وش تعمل امم... تكمل في لخماج الي راك فيه... لا هذيك دبر على روحك وشوف انت حل لعمرك... ولو كان نهار نفيق بيك حاب تغلط مع سلمى لمرة هذي انا الي نوقفلك مش عبد اخر
محمد: كملتي يالالة نظن مابقتيش القطة لمغمضة... الي كانت تتمنى شوفة من راجل... لسانك طوال وعدت تخبشي...
ياسمين: هههه هذيك ماتت وليكن في علمك غير نشاور يجو عشرة مش واحد... اما نوع نتاعك هو الي عيفني في رجال...
مشيت من غير ما نعطيلو فرصة انو يزيد يردلي مرة اخرى... يديا يرعشو وسنيا يتحكو في بعض... قلبي قريب يخرج من بلاصتو... اول مرة نتجرأ ونواجه شخص بطريقة شرسة هذي... جبدت نفس وطبطبت على الباب... دقايق حتى حلت عليا... شعرها طالع لسماء... رجل طالعة ورجل هابطة نتع بيجاما عينيها مكمشتهم .... خلاتني نطرشق بضحك عليها ماقدرتش نحكم في روحي... شافت معيا ودخلت خلاتلي لباب محلول دخلت من وراها نضحك. هي ترمات على فوتاي...
ياسمين: وشبيه عزاك نايضة تقول غولا يا لطيف... هههه والله خلعتيني يا راجلك...
سلمى: اممم هذا وين نضت كفاه تحبي تلقايني كما مسلسلات ينوضووجهم بلمكياج وشعرهم ممشوط تقول جاين من عرس مش من نوم...
ياسمين: هو عندك الحق اما مش كما هك يا سلموش والله...
سلمى: اممم معليه قوليلي كفاه جيتي...
ياسمين: غيبتي قلت نطل عليك.. ياك ماقلقتكش برك...
سلمى؛: علاه هذا...
وقفت راحت لدوش غسلت وجها وخرجتلي بلبروسادون في فمها تحكي
سلمى: كون تحطيلنا قهوة قدامك مابين ماجيت..
ياسمين: ناس قريب تتغدا وانت راح تشربي قهوة...
سلمى: حطي برك علاه تسمطي...
ياسمين: هههه اعملي رايك... هاني رايحة على سعدي وين نروح تخدموني... واحد لايجبلي ليدي...
سلمى: ماتخميش يجي نهار ونجيبولك ليدك...
ياسمين: اممم وقت نعود نطلع في روح ممكن...
سلمى: تعرفي اطفلة ماتعرفيش تهدري صح.. ديجا قولي علاه من جيتي وانت تشوفي مع تلفون خير ان شاءلله...
حطاتو فوق طاولة ... لا مكان والو غير نشوف في الوقت...
