🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 104:
قاعد على كرسي نتع كوافاز الي موالفة تقعد عليه تتزينلو يشوف معاها راقدة عطاياتو بظهر... عندها تكثر من ساعة راقدة ماتحركتش نفس تخرج فيه بسيف...فيبرا تلفون عقد حواجبو يشوف رقم شكون هز عليه...
سفيان: انعم...
ماميدو: صحبة لباس...؟
سفيان: لباس الحمدلله... هذا انت شكون عطاك رقمي...
ماميدو:كما محب حاجة نجيبها...
سفيان: غير الخير علاه معيط...
ماميدو: حبيتك توصلني لحمزة عيطلو ماحكمتوش...
سفيان: وانت وش تسحق فيه ياك خطيه طريقك...
ماميدو: نعرف اما خوه عندو يومين يدور في جيهتنا... حبيت نولهو برك صحبة جديدة راح تديه وراء شمس...
سفيان: يعطيك صحة انا نوصلو...(قطع تلفون ) مسح على وجهو يستغفر حكاية خرجت من القصب... مش وقتها خلاص...(طبطب الباب براني عرفهم وصلو...وقف عدل سروالو قرب بحداها لسرير شاف معاها...بعدها خرج بخطوات ثقال...متمني لحكاية ماتكبرش...)
~~~~~~
واقفة على راسو... دموع عينيها يقطرو... تمسحلو على وجهو وشعرو...
وردة: عصومي حبيب ماما انت... ماشبعتش نوم حتى لدرك... ماما توحشاتك (دورت راسها شافت معاهم كل واقفين حتى من طبيبة...بعدها زادت قربت اكثر هبطت وجها لوجهو حطت خشمها في رقبتو تجبد في ريحتو الي توحشتها )... عصومي ماما تكوات عليك نوض خلاص ماعدتش نقلك اقرا... مسحت دموعها تبسمت... شوف كون تفيق وعد نخليك تحضر الماتش مع خاوتك في لقهوة... امممم ونعطيك تلفون تلعب pubg... توحشتك عصومي توحشت تحضينتك توحشت صوتك شوفتك وقت تدبلي عينك... تحرك حبيب ماما تحرك قلي اني راجع... قولي راح نقاوم نرجعلك ماما... مش انت البطل تاعي اااه ولا غير بلهدرة... يزيك رقاد سمطها والله... فيق ونتفاهمو انا وانت على سولا اااه... رجعت خطوة لوراء مكان حتى اشارة منو مسحت على وجهو بعدها هبطت بساتو من وجهو ومن يدو... وخرجت قلبها تنفخ من كثر لبكاء ترمات في حضن حمزة تبكي...
