🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: جوجيتا 🖋
حلقة 34:
مجمولين على طاولة العشا كل واحد شاد بلاصتو من غيرها هيااا لي قاعده تروح وتجي
مره تجيب الخبز ومره تجيب الماء متبعها بعينيه ثانيه ماغبتش عليه حتى ليوم دخل بكري على جالها هي الشوفه ماخسرتهاش عليه دايراتو بلاگه وهذا شيء خلاه يهبل في مخوو گيفاش تگون معاه تحت سقف واحد وماتديهاش فيه وهوا لي گان گون مايسمعش ضحكتها وگلامها الحلو مايگملش نهارو خلصت آخر حاجه حطت ساشي لي فيها الدواء لحماها خرجت حبه وحطتها في يدها ومعاها گأس الماء
جمانه:تفضل يا بابا حبة قبل العشاء لا تعود تنساها
.....:يعيشگ يابنتي ربي يفضلگ ربي يفتح على بنيتي
جمانه: آمين ياربي بشفاء عليگ يا بابا تبسملها وهي رجعتلو نفس شيء تبسيمه خفيفه أما باين فيها مكويه ... بصحتگم لاحت گلمتها ودارت راجعه لبيتها ماشي حامله شوفتهم گي راجلها گي أمو شيبة النار گون ما جاش باباها موصيها أنو ترفعلو راسو وتحمرلو وجهو عند الناس كون راهي نتفتها وعطاتها قتلت الموت من زمان ....حطت إيدها على البوني متاع الباب حتى سمعت صوتو
سفيان يشوف فيها گيفاش تعامل في باباه ومتهليه فيه برغم من الشي لي عملو فيها
عرف الغلطه منو ومن أمو علاه باباه مايقولش راهي عملت وعملت علاه ماستنهاش تفهمو في الحكايه علاش تهجم عليها گي الحيوااان
لدرجه هاذي أنا بلاش مخ خزر في أمو لي قاعد وتتبسم وهي تشوف في ليتراس لي عملهم ولدها ليلة لبارح بردت جمرتها من جيهتها أما مزال ما طفاتش في بالها أنو هي سبب لي خلى سفيان يبعد عليها ويخرج على شورها حتى تجراء ورفض الطفله لي خيرتهالو هي باش يجيب الطفله لي حبها وبغاها ڨلبو هو ناسيه أنو المحبه عمرها گانت بسيف
سعيده:تحكي في نفسها تستاهلي ما گثر يابنت زينب ماگفاتنيش أمك بكري گانت تحب تاخذ راجلي حتى جيتي أنتي ولعبتي بعقل ولدي وخليتيه يسمع گلامك أنا لي باش نداويگ يا لاله مايكون إسمي سعيده گان مخرجتكش على گلبه گحله
سفيان:أرواحي تعشاي
جمانه :شبعانه
سفيان: عض على لسانو بغش أول مره تعگسو في حاجه وزيد قدامهم "نعرف ماگليتش من صباح ونتي واقفه أراوحي ماشي مليح ليك
