🥀💎 المكتـــوب 💎🥀
⭐🌾على عشقـــــك لامـــــــوني 🌾 ⭐
❌⛔ ممنوع النقل حاليا ⛔❌
🖋 بقلمي: زينب 🖋
الحلقة 16
ساهرين كل مع بعض على تليفزيون...
حمزة: انا نخليكم تصبحو على خير... غدوة نصبح نخدم
سلسبيل: معليه توصلني فطريقك غدوة عندي ليكور معليه
حمزة: مالا بكري ماتخلينيش نستنى... والبسي حاجة مستورة ولا نكسرلك رجليك...
سولا: علاه تحڨر مالفة نلبس محزق انا...
وردة: ايه موالفة من غير ما تكذبي... كلو من دلال حمزة ليك...
سولا: انا اماما... جاية ضدي ولا واش...
معتز:ايييه راح تبدا دراما...ايا خلونا نتفرجو كما ناس...
حمزة:افرزوها وحدكم اناطالع....وطلع لبيتو حتى سلسبيل لحقاتو حتى هي طلعت لبيتها...
حكمت بلاصتها وهزت تلفون دخلت للفيس تاعو هذا روتينها كل يوم كون ماتشوفش بروفيلو ماتقدرش ترقد..تحب تتهنى انو مكان حتى وحدة دخلت لحياتو طلعت وهبطت فيه تتفقد...شافت ضوء لخضر شاعل من نهار اكسيبتاها ماحكاتش معاه مرة تجرأت وبعتتلو
سولا:سلام
بقات تستنى فيه اما ماشافو مارد عليها...زادت دخلت للفيس طالعة هابطة تستنى يرد اما فاتت ساعة مكانش تنهدت وندمت انها بعتتلو...دخلت حذفاتو وقفلت تلفون ورقدت وهي تبكي كما كل ليلة...عمرو شاف معاها من كبرت عمل مسافة بينهم...تمنات لوكان بقات صغيرة...قريبة منو ولا كبرت وبعدت عليه...
~~~~~~~~~~
عند ايمن
حتى هو حاكم بلاصتو طالع هابط فلفيس نتعها حتى قابلو واحد معاها عامللها جام وكمونتار على ستاتي حطاتو...حس جنون دنيا لك دور بيه...كفر بلغات دنيا الكل... وجمرةالي شعلت في قلبو ماطفاتش وما حبتش تطفى ...وقف في طاقة تع بيتو شعل ڨارو يتكيف ويشوف مع طاقة نتع بيتها.... حتى سمع اشعر بالي وصلو مساج...
راح هز تلفون يشوف معاه ومادخلش فيه... يشوف في مساج من عندها ومكذب... يحكي بينو وبين روحو... يعني هذي فرصتو يحكي معاها ويصارحها ولا هذي راج تكون بداية الغلطة... جاء بين عينه صاحبو مايقدرش يغدرو مع اختو مستحيل... بقى يشوف معاه من برا قفل لانترنات وطيشو فوق سرير مش عارف كفاه يخرج هذاك الحب من قلبو ولا كفاه يتصرف... من جيه قلبو ومن جيهة اخرى صاحبو ومن جيهة امها الي ماتحبوش... حل الوحيد انو يتقدملها رسمي ياتقبل بيه يا كل واحد يروح فيحالو... اما يحسرة وش راح يصبرو 6 شهر على لباك باه يقدر يطلبها منو وتكون حلالو... ومنها على قريتها مايشغشبهاش... رجع وقف مع طاقة يشوف مع طاقة نتعها...طفلة سكنت في عقلو وفي قلبو...وقت شاف واحد اخر في تعليق يتغزل فيها حس ان الخطر يقرب منو... وجنون دنيا تدور بيه... صدرو غامو لمجرد فكرة انو ممكن يخسرها وتكون لغيرو... وهو مزال يتفرج من بعيد....
