🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 87:
مافقش حتى كفاه وصل قدام دار... هز فرمان ودور مفتاح... يشوف قدامو مش قادر يشوف معاها خرج ڨارو شعلو...
سفيان: اهبطي وش تستني...
دورت راسها تشوف معاه بعينين حمر ومن غير ماتحكي حتى كلمة هبطت تزىب في خطواتها... وهو متبعها بعينيه... نفس وراء خوه... كملو وهبط من وراها...
واقفة طبطب على لباب تستنى تحللها...جاية وتعيط من بعيد...
سعيدة: كسروه باب خير مكانش صبر ولا (حلت لباب شافتها عوجت فمها...)
سعيدة: جيت الهاملة اااه... عدتي تخرجي بلا ما تشاوري... درتي جوانح وحابة طير والله غير انا الي نقصهملك... تغفلي فيا اااه... يابنت ااا
دز الباب ودخل عاقد حواجبو يحكي...
سفيان: يما وش لهدرة هذي اااه...
سعيدة: الي سمعتاها هي بدات...
سفيان: وهي علاه تشاورك خارجة مع صاحبها... ياك خرجت معايا... وانا الي نقرر تخرج ولا ماتخرجش... مزوجة بيك هي...
شاف معاها وقت وراحت لبيتها وقفلت الباب... لا هدرت ولا حتى تنفست ...
سعيدة: مليح مليييح ولدي راجل... خلي تعمل رايها فيك تركب وتدلدل رجليها... عدت مايعجلكش الحال عليهاياط###
سفيان: اكيد مايعجبنيش مانيش جايبها لذل... طفلة ليها فم ياكل وفم مايحكيش... بالك تحطي في بالك غايب نهار كامل مانعرفش الي قاعد يصرا... انت ساعات نكون في بيتي ونسمعك كفاه تحكي معاها نحيير... نقول مستحيل تكون يما الي تهدر... عيب والله عيب...
سعيدة: يااه نندب ولد كرشي يقولي عيب على جال مرأة... ماغلطوش الي يقلك الوسادة غلبت الولادة... يعطيك صحة ياراجل الي نقولو ظهري وسندي كما نكبر... هاو دوراتو مرأة... مش حتى مرأة الله الله
سفيان: عجزت نهدر معاك...ربي يهدي وخلاص(راح ماشي لبيتو...)
سعيدة: روحلها اجري لا تموتلك اجري...
~~~~~~~
حاط ظهرو على لحيط ورجليه موازن وقفت... تلفون في وذنيه ...
حمزة: هااا رجلة وينك نهار كامل...
معتز: اني هبطت من طاكسي... وين نلقاك..
حمزة: غير وين دخلة نتع سبيطار على يدك ليسار...
معتز: كوبي كوبي شفتك... قرب من خوه بخطوات ثابتة...
حمزة: هيا الحمد الله غير كما عرفتي طريق... وين هذا نهار كامل...
معتز:والو غير كانت عندي قضية... فرزتها وجيت...
حمزة: وش هي قضية الي تخرجلها من فجاري اااه...
معتز: ابابابابا عندك رادارات ولا...
قربلو لوجهو يحكي
حط في بالك كون نحكمك تهورت ولا خممتي انك تعمل حاجة من راسك... غير ماتفوتلك...
ايمن: يزيك برك بلا توسويس... احم ديجا بدل علينا لحكاية... وقولي معتصم وش حوالو مكاش جديد...
حمزة: لا مكان حتى حاجة جديدة... كما راهو باقي... حتى طبيبة قالت حطو في بالكم الاحتمالات الكل... ايه على سيرة طبيبة... من نيتك تعيط عليها وانت صباح فارزاتك في الخدمة...
معتز: الله غالب مافقتش مع روحي... ديجا بعتتني غير لواحد بومهني حط cv ونعيطلوك يعني بلا مزيتها...
حمزة: هههه والله عجب فيك مانعرف من واه مخدوم... ايا صحا نروح ندير دوش وناكل حاجة نغفى شوي... اي حاجة عيط وماتلهاش منا ومن...
معتز: هيا مريقلة فرار...
