🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 57:
واقفة تغسل فلماعن... ومرة على مرة تطل على لقدرة... تغسل وتدندن اكيد فرحانة بعدما رجعت هي وحبيب قلبها.... حتى تفكرت الخبز ضربت على جبهتها تحكي وحدها...
جوجيتا: اخلايا نسيت الخبز ما قتلوش عليه...(مسحت يديها من ماء وهزت تلفونها تعيطلو مايهزش...نفخت وعاودت مرة اخرى نفس شيء...حتى دخلت عليها سعيدة...)
سعيدة: ها لالة عشاك طاب ولا مزال تلعبي بلوحة الي نهار كامل هزتها وتعيطي من واحد لواحد...
جوجيتا: كشما حتجتي حاجة يما...
سعيدة: يعطيك غمة مانيش امك...
هبطت جوجيتا راسها راصا على سنيهة مكورة قبضة يديها غصة واحلة في حلقها...
سعيدة: من غير ماتعملي دور بريئة... حطيتي قش يتغسل ولا نسيتيه كما المرة الي فاتت...
جويجيتا: حطيتو حطيتو وهذا وين كملت غسيل دوك نخرجو ننشرو...
سعيدة: اممم انفضيه قبل لا تنشريه... قرب للقدرة طلت عليها تحكي والعشاء وش عملتي فيه...
جوجيتا: عملت مرقة زيتون بلحم...
سعيدة:امممم هاو باين ماء وزغاريت...
جوجيتا:لالا واللهجات بنينة...
سعيدة:هاي باينة حوحو شكار روحو...مانيش نشوف في لكسرة....
جوجيتا:ايه اني عيطت لسفيان يجيب معاه الخبز في يدو...ماهزش عليا
سعيدة:خليه طفل راح تاكليلو راسو...شمري على يدك وطيبي زوج خبزات كسرة...
جوجيتا: درك؟
سعيدة:هااا زقتاه غدوة...
دخل شيخها هاز الخبز يحكي:يا مرأة اني لقيت لخبز هذا وين خرج جبت منو شوي...
زربت جوجيتا هزاتو عليه تحكي: علاسلامتك بابا...
شيخها: يحفظك بنيتي الله يرضى عليك إنشاءلله
جوجيتا:امين يابابا...
سعيدة:ايييه ربي يهني سعيد بسعيدة شاقت معاهم وخرجت خلاتهم يشوفو مع بعض
(صونا تلفونها..راحت تجري تهز )
سفيان:اهلا روح
حشمت وطات في صوتها خدودها توردو تحكي :وبيك سفيان...
سفيان:بحداك واحد اممم على هذيك سميتيني باسمي هههه...
جوجيتا:امممم
سفيان:خلاص لقيت ليزابال نتاوعك حتجتي حاجة...
جوجيتا:عيطت غير على لخبز وبابا ديجا جاب يعطيك صحة...
سفيان: كشما نجيبلك في يدي...اني هابط لدار...
جوجيتا:احم والو...
سفيان:ههههه نجي وناكلك ماكلة هههه على لحشمة تاعك...
تحلو عيناها تشوف مع باباه الي قاعد يشرب في الماء مالقات ماتعمل غير تكبي...
