المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 123:
أيمن يحكي...
نهار فات ثقيل غلبت فيه... خدمة لكل على راسي... وزيد هدرت حلومة الي قاعد نطلع ونهبط فيها... وقفت مع طاقة جبدت ڨارو شعلتو... دخان الي حلفت نحبسو... لانها تكره ريحتو هههه شوف #المكتوب وين داني... راح نخطب غيرها... تولهت من ضوء نتع البيت شعل وهي واقفة تقفل في شباك الحال بارد ما فهمتش علاه تحل فيه... رجعت انا ثاني خطوة لوراء رجعت ريدو على طاقة وطفيت دخان... نظن ماعادش من حقي نخمم فيها... رميت روحي على سرير... دخلت شفت لا كان منبه مريقلي ورجعتو لبلاصتو ... حطيت يدي على عيني نحب نغفى نحب ننسى... نحب نغسل مخي وقلبي... جتى سمعت دقات على الباب وبعدها تحل بعد يدي نشوف مع حلومة الي داخلة وتبسيمة محتلة وجها...
ايمن: حةومة زارتني براكة...
حليمة:يعيشك ولدي راجل... معليه نحكي معاك شوي..
ايمن: وهذي فيها مشاورة.. اقعدى حليمة اقعدي...
معتز يحكي...
كنت واقف على رأسها مرة على مرة نجبد هدرة ولا حكاية وهي تدوخ بضحك... حتى وقفت على راسها طبيبة نتع معتصم والي وصلتلها طموبيل من قبل... باقي تحكي معاخا وانا نسمع فيهم... اما خممت مع روحي نطلب سماح الي عملتو يبقى غالط يكون وش يكون مانتصرفش كما هكذاك معاها...شفتها رايحة وقفتها...
معتز: حكيمة معليه نحكي معاك...
دارتلي عاقدة حواجبها... عندعا الحق وش راح نحكي معاه.. قربت خطوات منها حكيت لحيتي وحمحمت...
ياسمين: تفضل
معتز: سامحيني حكيمة على تصرف الي تصرفتو معاك كان وقت غش ما قصديش نتهجم عليك...
ياسمين: نصيحة مني ليك وقت تتغش تحكم في اعصابك لانها ممكن تديك لبعيد... ةبنسبة ليا مسامح عادي وكانو لا صرا شيء...(دارت تمشات من غير ماتستناه يهدر )
نعرف اني غالط وهذي ىدت فعل طبيعية منها... رحت قعد حدا وسام رخفت روحي على لكرسي...
وسام: وش عملتي للحكيمة...
معتز: وقت جاء خويا وقالت مكانش امل ههه
وسام: نظن انك من المتسرع صح..
معتز : نظن ههه.. عجبني خيط نتع لاكسجين هذاك... وش قولك نصورك بيه ههه...
وسام: والله فكرة ههه حتى انا عجبني... هاك تلفون تشو... اصبر نعدل شعري تقول غولة ههه....
معتز: ههه لا والله غير شابة صديقتي ... انت برك
وسام: خسارة وقت يخرج خوك نىجع نبقى وحدي...
معتز: اوااه من داك نطل عليك... كونك متهنية...
وسام: نتمنى والله سعات نكره وحدي..
معتز: شوفي ياهلة هاتي فيس تاعك ولا رقمك من تقلقي عيطيلي...
وسام: صح؟
معتز: لا نكدب... ديجا نشاور فيك تلفون في يدي... عاملة مود باس... هاك مش عاملة...
نشوف فيها كفاه فرحت بلجاست... قعدنا هكداك مدة حكاية تجبد حكاية واكنها مش مريضة حنا هم المرضى نعملو من حبة قبة...
