🥀💎 المكتـــوب 💎🥀
⭐🌾على عشقـــــك لامـــــــوني 🌾⭐
❌⛔ ممنوع النقل حاليا ⛔❌
🖋 بقلمي: زينب 🖋
حلقة 24:
صباح جديد بعد ليل طويل تعدى على ابطالنا...
حمزة: هيا يابنتي راح عليا الحال...
وردة: سلسبييييل اهبطي ولا نطلعلك... تسمى انت هي شكال خوك راح الحال عليه...
سولا: دقيقة برك اني هابطة... علاه لحس هذا الكل...
وردة: شفتي كفاه طفلة هذي هي والوقت عداوة.. كون جيت منك اني رحت وخليتها...
حمزة: اوااه انا (قص عليه تلفون ايمن )... سامحيني ماما ايمن يعيط...
عوجت وردة فمها وايمن هز عليا...
حمزة: وين صحبة صباح الخير...
ايمن: صباح نور... رايح ولا مزال هذاك هو الوقت...
حمزة: نقلك روح برك اني دوك نلحق... راح نوصل طفلة اختي تقرا ونجي...
ايمن: ايا مريقة من بعد انشاء الله...
حمزة: إن شاءلله (قفل تلفون )
وردة: يهني لازم تقلو كل شيء...
حمزة: صاحبي يما وخدام معايا سبحان الله...
سلسبيل: مافهمتش علاه ما تحمليش طفل وش عملك...
وردة: وانت وش وجعك مشاعري وانا حرة فيهم... يالا طيري تقراي عطلتي خوك...
حمزة: يالا راح عليا الحال...
سولا: اصبر نكروشي في يديك...
حمزة ماشي ويحكي: راجلك انا راح نخرجك عروسة...
سولا: وش خصني راجل يشبه لخويا حمى...
حمزة: امشي قدامي وجهك صحاح لا حشمة للقدر...
سولا: علاه نحشم من خويا... ملاحة هذي
ركبت في طموبيل حكاية تجبد حكاية... حتى وصلت وهبطت من طموبيل وهو يوصي ماتعمليش ماتطوليش كما تروحي عيطيلي نروح بيك... مهم كلالها رلسها بلاوامر تاعو... ودعاها وراح للخدمة مسافة طريق وصل متوخر...
حمزة: سلام
هز ايمن راسو: وعليكم السلام... طولتي صحبة...
حمزة: منيش نرقد مليح و نرقد روطار بسيف باش نوض من الفراش الصبح منيش نوضلو.. وزيد درك وصلت سولا لليسي باش جيت
ايمن: واش ا الحاج ولات تسهرك المدام هههه
حمزة: مش هكك الحكاية أو داخلني وحد التوسويس منها على هادي بايت نطلع و نهبط
ايمن: نوض تشو اقفل الباب و ارواح نقصرو فلحكاية هادي
